У мінскае «Дынама» ўзялі працаваць хакеіста, які пасля траўмы трапіў у інваліднае крэсла. У гэтым Баскаў пабачыў нагоду выслужыцца перад Лукашэнкам
Клуб аб'явіў пра далучэнне 29-гадовага Мікіты Ермачкова ў якасці скаўта. Летась падчас гульні ён атрымаў жудасную траўму, якая паставіла крыж на ягонай кар'еры.
Ермачкоў займаў такую ж пасаду ў федэрацыі хакея Беларусі, цяпер будзе сумяшчаць працу ў зборнай і ў клубе.
Навіну пракаментаваў былы старшыня ФХБ Дзмітрый Баскаў, яго ў тэксце называюць проста «сенатар»:
«Хакейная супольнасць — гэта не толькі сукупнасць прафесіяналаў, аб'яднаных адным заняткам, гэта сапраўдная сям'я, дзе няма месца абыякавасці і дзе, як нас вучыць наш прэзідэнт, кожны падтрымлівае кожнага, незалежна ад супрацьстаяння на хакейнай пляцоўцы».
Мікіта Ермачкоў атрымаў траўму 9 сакавіка 2022 года падчас гульні супраць «Юнацтва». 27-гадовы абаронца наваполацкага «Хіміка» распачынаў атаку сваёй каманды і зрабіў перадачу, але пасля гэтага не ўтрымаў раўнавагу і на высокай хуткасці ўляцеў спінай у борт арэны.
Пасля гэтага хлопец не здолеў сам стаць на ногі і пакінуў лядовую пляцоўку на насілках. Мікіту адвезлі ў РНПЦ траўматалогіі і артапедыі, дзе паставілі дыягназ: пералом пазванка груднога аддзела хрыбта, удар спіннога мозгу, чэрапна-мазгавая траўма, страсенне галаўнога мозга, ніжняя параплегія (параліч ніжніх канечнасцяў) і некаторыя спадарожныя пашкоджанні.
Хлопец трапіў у аддзяленне рэанімацыі і ў гэты ж дзень прайшоў праз складаную аперацыю. Два тыдні Мікіта правёў у шпіталі, пазней быў выпісаны і распачаў рэабілітацыю.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары