Спецпрадстаўнік ЗША: Ва Украіны амаль няма шанцаў атрымаць ядзерную зброю
«Давайце будзем шчырымі, мы абодва ведаем, што гэтага не адбудзецца», кажа спецпрадстаўнік ЗША па пытаннях Украіны Кіт Келаг.
«Верагоднасць таго, што яны атрымаюць назад сваю ядзерную зброю, знаходзіцца дзесьці паміж малой і нулявой», — заявіў спецпрадстаўнік ЗША па пытаннях Украіны і Расіі Кіт Келаг у інтэрв'ю Fox News. — «Давайце будзем шчырымі, мы абодва ведаем, што гэтага не адбудзецца».
На пачатку тыдня прэзідэнт Украіны Уладзімір Зяленскі ў інтэрв'ю брытанскаму журналісту Пірсу Моргану зноў згадаў ядзерную зброю як гарантыю бяспекі Украіны.
«Вярніце нам ядзерную зброю, дайце нам ракетныя комплексы, партнёры дапамогуць нам фінансаваць мільённую армію, перамесціце свой кантынгент у тыя рэгіёны нашай краіны, дзе мы хочам стабільнасці, каб у людзей быў спакой», — сказаў Зяленскі.
Украіна адмовілася ад ядзернай зброі ў 1994 годзе ў межах Будапешцкага мемарандума. Дакумент, падпісаны Расіяй, Украінай, Вялікабрытаніяй і ЗША, прадугледжваў гарантыі тэрытарыяльнай цэласнасці Украіны ў абмен на адмову ад ядзернай зброі.
Стала вядома, як добра ўладкаваўся ў жыцці муж старэйшай унучкі Лукашэнкі12
Каментары