Śpiecpradstaŭnik ZŠA: Va Ukrainy amal niama šancaŭ atrymać jadziernuju zbroju
«Davajcie budziem ščyrymi, my abodva viedajem, što hetaha nie adbudziecca», kaža śpiecpradstaŭnik ZŠA pa pytańniach Ukrainy Kit Kiełah.
«Vierahodnaść taho, što jany atrymajuć nazad svaju jadziernuju zbroju, znachodzicca dzieści pamiž małoj i nulavoj», — zajaviŭ śpiecpradstaŭnik ZŠA pa pytańniach Ukrainy i Rasii Kit Kiełah u intervju Fox News. — «Davajcie budziem ščyrymi, my abodva viedajem, što hetaha nie adbudziecca».
Na pačatku tydnia prezident Ukrainy Uładzimir Zialenski ŭ intervju brytanskamu žurnalistu Pirsu Morhanu znoŭ zhadaŭ jadziernuju zbroju jak harantyju biaśpieki Ukrainy.
«Viarnicie nam jadziernuju zbroju, dajcie nam rakietnyja kompleksy, partniory dapamohuć nam finansavać miljonnuju armiju, pieramieścicie svoj kantynhient u tyja rehijony našaj krainy, dzie my chočam stabilnaści, kab u ludziej byŭ spakoj», — skazaŭ Zialenski.
Ukraina admoviłasia ad jadziernaj zbroi ŭ 1994 hodzie ŭ miežach Budapiešckaha miemaranduma. Dakumient, padpisany Rasijaj, Ukrainaj, Vialikabrytanijaj i ZŠA, praduhledžvaŭ harantyi terytaryjalnaj cełasnaści Ukrainy ŭ abmien na admovu ad jadziernaj zbroi.
Stała viadoma, jak dobra ŭładkavaŭsia ŭ žyćci muž starejšaj unučki Łukašenki12
Kamientary