Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi
Stała viadoma, jak siłaviki zmahli atrymać dostup k botu «Biełaruskaha Hajuna».
Pa infarmacyi «Našaj Nivy», na minułym tydni ŭ Biełarusi zatrymali dvaich aktyvistaŭ — chłopca i dziaŭčynu. Pa raskazach znajomych, jany praciahły čas znachodzilisia ŭ vyšuku, adnak z krainy nie vyjazdžali. Apošnim časam para chavałasia pad Minskam.
Tydzień tamu aktyvistka pierastała vychodzić na suviaź. Nieŭzabavie stała viadoma pra jaje zatrymańnie.
Miarkujučy pa ŭsim, u jaje mabilniku znajšli staruju zaprašalnuju spasyłku ŭ čat, kudy pierasyłali kantent z bota «Hajuna». Dziaŭčyna zabyłasia vydalić jaje. Pakolki spasyłka nie była adklikanaja, siłaviki zmahli atrymać dostup da čata.
Telehram-kanał HUBAZiKa apublikavaŭ nibyta skrynšot pierapiski dziaŭčyny z Antonam Matolkam. Adnak jaje siabry kažuć, što heta nie jaje styl napisańnia. Mahčyma, siłaviki namalavali «pierapisku» sami.
Kamientary
Nu i poniatno, čto Motolko za vsiech sidieť nie pojediet