Канстытуцыйны суд упершыню ў гісторыі Беларусі разглядзеў індывідуальную скаргу ад беларуса – і пагадзіўся з ёй. Пастанова аб гэтым апублікавана ў Банку судовых рашэнняў, заўважыла «Медыязона».
Беларус Гныцэвіч А.А. дабіўся ў Канстытуцыйным судзе перагляду Працэсуальна-выканаўчага кодэкса аб адміністрацыйных правапарушэннях.
Сказана, што раней яго прыцягнулі да адказнасці па адміністратыўнай справе — мужчына трапіў у ДТЗ. Тады ён уцёк з месца аварыі і знаходзіўся ў стане алкагольнага ап'янення. Мужчыну прызначылі штраф у 245 базавых велічынь і пазбавілі пасведчання кіроўцы на 7 год.
Але беларусу не спадабалася, што начальнік абласнога ДАІ не аб'яднаў тры яго правапарушэнні ў адзін адміністрацыйны працэс. Тады б, як ён палічыў, пакаранне магло б быць больш мяккім.
Спачатку яму адмовілі ў такой скарзе, сказаўшы, што, згодна з артыкулам 12.4 ПВКаАП, аб'яднанне правапарушэнняў у адзін працэс з'яўляецца правам, а не абавязкам.
Але ён не пагадзіўся і з гэтым, прайшоў праз усе этапы абскарджання і дайшоў да Канстытуцыйнага суда — там вырашылі, што ў беларускім ПВКаАП сапраўды ёсць прававая недасканаласць. Ён даказаў, што норма аб аб'яднанні правапарушэнняў не суадносіцца з нормамі аб накладанні пакарання пры некалькіх парушэннях.
Намесніца кіраўніка Адміністрацыі Лукашэнкі Вольга Чупрыс адзначыла, што гэта першая ў гісторыі Беларусі індывідуальная скарга ў Канстытуцыйны суд.
Згодна з пастановай суда, парламент павінен прыбраць з заканадаўства недасканаласць, якую заўважыў беларус.
Стала вядома, як добра ўладкаваўся ў жыцці муж старэйшай унучкі Лукашэнкі12
Каментары