Свет2626

Дарадцы Трампа падалі план спынення вайны Расіі супраць Украіны

Два ключавыя дарадцы Дональда Трампа падалі яму план спынення вайны Расіі ва Украіне, калі ён пераможа на прэзідэнцкіх выбарах, піша Reuters.

Уладзімір Зяленскі і Дональд Трамп падчас Генасамблеі ААН у Нью-Ёрку ў верасні 2019 года. Фота: Evan Vucci / AP

План распрацоўвалі Кіт Келаг і Фрэд Фляйц, якія займалі пасады кіраўнікоў апарата Савета нацыянальнай бяспекі Трампа падчас яго прэзідэнцтва ў 2017-2021 гадах. 

План прадугледжвае, што ў выпадку абрання прэзідэнтам ЗША Трамп можа спыніць пастаўкі ваеннай дапамогі Украіне, калі тая адмовіцца ад мірных перамоваў, а Маскву папярэдзяць, што любая адмова ад перамоваў прывядзе да ўзмацнення падтрымкі Кіева. 

«Мы гаворым украінцам: «Вы павінны сесці за стол перамоваў, і калі вы не сядзеце за стол перамоваў, падтрымка з боку Злучаных Штатаў спыніцца. А Пуціну вы кажаце: «Ён павінен сесці за стол перамоваў, а калі вы не сядзеце за стол, то мы дамо ўкраінцам усё неабходнае, каб забіць вас на полі бою», — распавёў Келаг. 

Згодна з іх прапановай, Маскву таксама можна было б прымусіць сесці за стол перамоваў, адклаўшы на працяглы час абяцанне сяброўства Украіны ў НАТА. 

Фляйц сказаў, што Украіне не трэба фармальна саступаць тэрыторыю Расіі згодна з іх планам. Аднак, паводле яго слоў, Украіна наўрад ці зможа аднавіць кантроль над усёй сваёй тэрыторыяй у бліжэйшай перспектыве. 

Па словах Келага і Фляйца, для дасягнення працяглага міру ва Украіне патрэбны дадатковыя гарантыі бяспекі для Украіны. Фляйц дадаў, што «ўзбраенне Украіны да зубоў», верагодна, будзе ключавым элементам гэтага. 

Фляйц расказаў, што Трамп азнаёміўся з іх стратэгіяй і адрэагаваў на яе станоўча. 

«Я не сцвярджаю, што ён пагадзіўся з ёй ці пагадзіўся з кожным словам, але мы былі рады атрымаць зваротную сувязь», — сказаў ён. 

Аднак прадстаўнік Трампа Стывен Чунг заявіў, што афіцыйнымі варта лічыць толькі заявы, зробленыя самім экс-прэзідэнтам або ўпаўнаважанымі членамі яго перадвыбарнай кампаніі. 

У СМІ раней зʼяўляліся паведамленні, што Трамп нібыта хоча падштурхоўваць Украіну да тэрытарыяльных саступак РФ для спынення вайны. 

Сам Трамп часта выхваляўся тым, што мог бы дамовіцца аб мірным пагадненні паміж Расіяй і Украінай на працягу 24 гадзін, калі стане прэзідэнтам. Але ён неаднаразова адмаўляўся публічна ўдакладніць, як ён змог бы гэта зрабіць.

Каментары26

  • Сакавік
    25.06.2024
    Іх геніяльны план...
  • Так
    25.06.2024
    З улікам шматлікіх артыкулаў, хутчэй за ўсё, калі б гаворка была пра іншага кандыдата, апанента, у загалоўку была б цытатат пра "ўзбраенне Украіны да зубоў" ( ͡° ͜ʖ ͡°)
  • Кастусь
    25.06.2024
    это хоть похоже на план. А то у Байдена и такого нету

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

Усе навіны →
Усе навіны

Жахлівая гісторыя ў «Мінск-Свеце»: сабака на двары напароўся на шампур, гаспадыня лічыць, што яго ўваткнулі наўмысна1

Што рабіць, калі ваш тэлефон упаў у шахту ліфта?5

Беларускія астравы, пра якія вы маглі не ведаць2

Зяленскі расказаў, як бачыць «здзелку» з Трампам па карысных выкапнях9

У Пецярбургу музыка выкінуўся з 10-га паверха, калі да яго прыйшлі з ператрусам за «фінансаванне УСУ»7

Журналіста Ігара Ільяша абвінавачваюць па двух крымінальных артыкулах1

У Беларусі ўсё ж такі забароняць Хагі Вагі. Міністр адукацыі лічыць, што гэтая цацка правакуе гвалт11

Трамп плануе сустрэцца з Зяленскім на наступным тыдні12

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне32

больш чытаных навін
больш лайканых навін

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

Галоўнае
Усе навіны →

Заўвага:

 

 

 

 

Закрыць Паведаміць