«Пачну граміць вас як злачынцаў». Мядзведзеў падбадзёрыў расійскіх вайскоўцаў і прамыслоўцаў цытатамі са Сталіна
Намеснік кіраўніка расійскай Рады бяспекі, колішні прэзідэнт Расіі Дзмітрый Мядзведзеў на пасяджэнні працоўнай групы вайскова-прамысловай камісіі зачытаў вайскоўцам і кіраўнікам прадпрыемстваў ВПК тэлеграму Сталіна часоў Другой сусветнай вайны.
«Праз некалькі дзён, калі вы акажацеся парушальнікамі свайго абавязку перад Радзімай, коска, пачну граміць вас як злачынцаў, якія грэбуюць гонарам і інтарэсамі сваёй Радзімы, кропка. Нельга трываць, каб нашы войскі пакутавалі на фронце ад недахопу танкаў, коска, а вы ў далёкім тыле прахалоджваліся і лайдачылі…
Калегі, хачу, каб вы мяне пачулі і запомнілі словы генералісімуса», — заявіў Мядзведзеў.
Каментары
В танкостроеньи знаете вы толк!