Сёння ноччу невядомыя абстралялі з пнеўматычнай зброі вокны памяшкання, у якім ладзіць службы беларускі праваслаўны прыход Канстанцінопальскага патрыярхата ў Вільні, паведамляе «Хрысціянская візія».
Як паведамляецца, у адным з вокнаў пашкоджанае шкло. Паліцыя праводзіць расследаванне.
Хто абстраляў вокны царквы, зараз невядома, але, як адзначае «Хрысціянская візія», інцыдэнт упісваецца ў шэраг нядаўніх правакацый, скіраваных супраць беларускай палітычнай эміграцыі і меркавана звязаных са спецслужбамі рэжыму Лукашэнкі.
Гэты выпадак дзіўным чынам супаў з іншым вельмі падобным: гэтай ноччу ці раніцай выбілі шыбы ў Цэнтры беларускай супольнасці і культуры ў Вільні.
Вернікі збіраюць грошы на новае акно. Дапамагчы ім можна па спасылках.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары
Як там папярэднія "расследаванні"? Чаму нікога не знайшлі? Можа "не хочуць знайсці"?