8 ліпеня на 69-м годзе жыцця памёр беларускі фехтавальшчык на шаблях, заслужаны майстар спорту СССР, алімпійскі чэмпіён 1980 года Мікалай Алёхін. Пра гэта паведаміў Нацыянальны алімпійскі камітэт Беларусі.
Мікалай Алёхін нарадзіўся 26 кастрычніка 1954 года ў Мінску, у 1978-м тут жа скончыў інстытут фізкультуры.
Росквіт ягонай спартыўнай кар'еры прыпаў на канце 1970-х і першую палову 1980-х.
Алёхін выступаў у спаборніцтвах па фехтаванні на шаблях, асноўныя ягоныя поспехі на міжнароднай арэне былі дасягнутыя ў камандным заліку. У складзе каманды СССР ён стаў чэмпіёнам свету ў 1979-м і алімпійскім чэмпіёнам у 1980 годзе, таксама ў 1981-м стаў сярэбраным прызёрам чэмпіянату свету. У індывідуальным першынстве вышэйшае дасягненне — бронза на чэмпіянаце СССР у 1980 годзе, а ў сезоне 1982-м ён быў другім у заліку Кубка свету.
У 2020 годзе падпісаў адкрыты ліст спартыўных дзеячаў краіны, якія выступілі ў падтрымку рэжыму Лукашэнкі падчас жорсткіх падаўленняў народных пратэстаў.
Чытайце таксама:
Стала вядомая прычына раптоўнай смерці 46-гадовага міністра транспарту
18-гадовы нідэрландскі аўтагоншчык разбіўся падчас спаборніцтваў
Стала вядома імя чалавека, якога сілавікі назвалі першым затрыманым па справе «Гаюна»17
Каментары