Неверагодная гісторыя здарылася ў Ганцавічах, дзе 40-гадовы мясцовы жыхар збіраўся арыгінальным чынам парадаваць жонку ў дзень нараджэння і замовіў у інтэрнэце вялізны букет руж, піша «Ганцавіцкі час».
Як расказалі ў Следчым камітэце, мужчына доўга думаў, што падарыць каханай жонцы і нават кансультаваўся з яе сяброўкай. Тая расказала, што жонка мужчыны даўно марыць пра вялікі і прыгожы букет.
Пасля гэтага чалавеку кінулася ў вочы ў сацыяльных сетках рэклама інтэрнэт-крамы, якая
прадавала вялікі і прыгожы букет толькі што зрэзаных руж, прытым па адносна невялікай цане — 101 кветка за 230 рублёў. І мужчыну не збянтэжыла нават неабходнасць зрабіць за тавар поўную перадаплату.
«Па нейкай прычыне праграма інтэрнэт-крамы не ўбачыла залічэння на рахунак. Каб дапамагчы засмучанаму пакупніку, прадавец прапанаваў рашэнне: вярнуць грошы назад на карту. Мужчына пагадзіўся», — распавёў прадстаўнік Следчага камітэта.
Перайшоўшы па спасылцы, якую падаў прадавец, патэнцыйны пакупнік увёў даныя сваёй банкаўскай карты. Аднак замест вяртання сваіх грошай неўзабаве ён выявіў, што на рахунку застаўся толькі адзін рубель.
Па гэтым факце ўзбуджана крымінальная справа па частцы 1 арт. 209 КК Беларусі («Махлярства»). Пры гэтым паралельна следчыя высветлілі, што жыхар Ганцавіч аказаўся не адзіным, хто трапіў на вуду аферыстаў. Была яшчэ, прынамсі, адна дзяўчына, якая замовіла букет у гэтай жа інтэрнэт-краме і была ашуканая.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне12
Каментары