Намеснік кіраўніка Савета Бяспекі Расіі Дзмітрый Мядзведзеў выказаў сумнеў, што Украіна будзе існаваць праз два гады, а кіраўнік Раскосмасу назваў Украіну пагрозай для расійскай цывілізацыі.
«Бачыў паведамленне, што Украіна па ленд-лізе хоча атрымаць ад сваіх заакіянскіх гаспадароў СПГ з аплатай пастаўкі праз 2 гады. Інакш будучай зімой проста замерзне.
Толькі пытанне. А хто сказаў, што праз два гады Украіна наогул будзе існаваць на карце свету? Хоць амерыканцам ужо ўсё роўна — яны настолькі ўклаліся ў праект «анты-Расія», што ўсё астатняе для іх дробязь…» ‒ напісаў Дзмітрый Мядзведзеў у тэлеграм-канале.
Кіраўнік Раскосмасу Дзмітрый Рагозін выказаўся ў Твітары.
«Наогул тое, што з'явілася на месцы Украіны, уяўляе сабой экзістэнцыяльную пагрозу рускаму народу, рускай гісторыі, рускай мове і рускай цывілізацыі. Калі не скончым з імі, як, на жаль, не скончылі з імі нашы дзяды, прыйдзецца гінуць, але заканчваць яшчэ большай цаной нашым унукам. Таму давайце лепш мы з гэтым скончым. Раз і назаўжды. Дзеля нашых унукаў», — напісаў Рагозін.
«Што Расія павінна зрабіць з Украінай». Расійскае дзяржагенцтва апублікавала праграмны артыкул
На пахаванні снайперкі Марыі Зайцавай у Кіеве быў заўважаны незвычайны бел-чырвона-белы сцяг3
Каментары