Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny
Marakancy paśpieli zasmucicca z-za stračanaj pieramohi.
A ŭ vyniku ŭsio roŭna vyjhrali, piša Championat.com.
Futbolny turnir na Alimpijskich hulniach, jaki startavaŭ raniej za adkryćcio Hulniaŭ, pačaŭsia vielmi badziora: zbornyja Maroka i Arhienciny zładzili halavuju pierastrełku, jakuju paŭdniovaamierykancy zaviaršyli až na 90+16 chvilinie — i zraŭniali lik, dvojčy pierad hetym prabiŭšy ŭ pierakładzinu (2:2).
Ale akazałasia, što nie! Hulniu adnavili praź dźvie hadziny, i pieramoha dastałasia marakancam!
Afrykancy nie prosta stracili pieramohu, ale i viali pa chodzie druhoha tajma z roźnicaj u dva miačy. Ich zaŭziatary vielmi razzłavalisia.
A samyja emacyjnyja i zusim pryjšli ŭ jaraść: pačali šturmavać pole, zakidvajučy pietardami i butelkami trybuny z arhiencincami. Prylacieła i tudy, dzie raźmiaščalisia futbalisty. Byli i dzieci, jakija skarystalisia błytaninaj i pabiehli fatahrafavacca z kumirami.
Dapamahli ściuardy i ŭzbrojenaja palicyja. Pakul fanataŭ supakojvali i vyvodzili preč, šviedski sudździa Hlen Niubierh advioŭ kamandy ŭ raspranalniu i doŭha nie zaviaršaŭ matč. Nichto nie razumieŭ, čamu tak adbyvajecca. I tolki potym vyśvietliłasia — u halavym epizodzie, vierahodna, Bruna Amijonie zalez u afsajd.
Praz praktyčna dźvie hadziny, užo pry pustym stadyjonie, Niubierh pahladzieŭ videapaŭtor i vynies vierdykt — pa-za hulnioj sapraŭdy było! Na tabło znoŭ 1:2! Arhiencina i Maroka adbiehali jašče try chviliny, i tolki potym prahučaŭ finalny śvistok.
Hałoŭny trenier paŭdniovaamierykancaŭ Chaŭjer Maskierana daŭ łakaničny kamientar: «Heta samy vialiki cyrk, jaki ja kali-niebudź bačyŭ». Ciažka nie pahadzicca.
«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž
Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady
Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili
Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul
Na Alimpijadu ad Biełarusi jedzie minimalnaja ŭ historyi kolkaść udzielnikaŭ — 17 čałaviek
Kudy mohuć departavać 323 biełarusaŭ z ZŠA paśla ŭkaza Trampa? I chto hetyja ludzi?1
Kamientary