Не толькі Tinder. Дзе цяпер шукаць пару — на ўсё жыццё і на адну ноч
Больш за 75 мільёнаў чалавек амаль з 200 краін выкарыстоўваюць Tinder для пошуку стасункаў. На жаль, з 15 лютага папулярны дадатак спыніць сваю працу ў Беларусі. Але ёсць альтэрнатыўныя варыянты.
У нашу падборку патрапілі не толькі папулярныя мабільныя дадаткі, але і іншыя правераныя метады.
Дадаткі
Twinby: сэрвіс праверкі сумяшчальнасці
Калі лянотна адбіраць партнёра самастойна, на дапамогу прыходзяць тэхналогіі. Распрацоўнкікі Twinby прапануюць прайсці невялікія тэсты — іх вынікі і стануць падставай, па якім алгарытм ў далейшым будзе падбіраць вам партнёраў.
Як і ў Тындары, у Твінбай можна свайпаць людзей і ствараць чаты. Таксама сэрвіс дае магчымасць карыстацца штотыднёвай падборкай патэнцыйна цікавых людзей, якая будзе сабрана спецыяльна «пад вас».
PURE: ананімныя знаёмствы
Pure дапаможа знайсці партнёра на адну ноч: для гэтага дастаткова цікава расказаць пра сябе і свае прыхільнасці і пачаць знаёміцца. Для гэтага можна скарыстацца класічнай перапіскай, спецыальнымі гульнямі ці відэа-чатамі.
Распрацоўшчыкі падумалі і пра тое, як разняволіць раней незнаёмых людзей — для гэтага дадатак узмоцнены рознымі цікавымі фішкамі. Таму нават калі з партнёрам вам не пашанцуе, час вы прабавіце весела.
Vox: паслухай і закахайся
Прапануем паспрабаваць інавацыйны дадатак для знаёмстваў голасам. Асноўная разыначка Vox — на пачатку стасункаў ты не бачыш чалавека, а выбіраеш пару выключна па галасавым паведамленні. Сюрпрызаў ад такога знаёмства можа быць шмат, затое досвед будзе сапраўды цікавым.
Badoo: сацыяльная сетка для знаёмстваў
Сацыяльная сетка аб'ядноўвае людзей з усіх краін свету. Хоць галоўны офіс кампаніі размяшчаецца ў Лондане, дадатак добра працуе і ў Беларусі.
Цікава, што сетку можна выкарыстоўваць не толькі для рамантычных спатканняў, але і для пошуку новых сяброў.
«Бабуліны» метады
Хуткія спатканні
Папулярны ў Амерыцы спосаб знаёмства прыйшоў у Беларусь некалькі гадоў таму. Сутнасць метаду простая: людзі рассаджваюцца за столікамі па двое і на працягу некалькіх хвілін абмяркоўваюць пытанні, загадзя падрыхтаваныя арганізатарамі. Пасля сканчэння часу пары мяняюцца і абмяркоўваюць наступнае пытанне ўжо з новым партнёрам. Такім чынам за вечар чалавек паспявае пазнаёміцца з вялікай колькасцю патэнцыйных «паловак».
Усіх упадабаных «суіскальнікаў» трэба адзначыць у спецыяльнай картцы. І, калі ў вас здарыцца «мэтч», арганізатары адправяць кантакты спадабаўшыхся вам людзей.
Спатканні ўсляпую
Ва ўсіх ёсць класныя самотныя сябры, якіх хочацца «прыладзіць» у добрыя рукі. Таму проста агучце сваё жаданне знайсці пару і дайце знаёмым магчымасць падабраць для вас ідэальнага, на іх думку, партнёра. Не факт, што эксперымент акажацца ўдалым, але цікавы вечар вам забяспечаны.
Стары добры падкат
Багацце сацыяльных сетак і дадаткаў для знаёмстваў хоць і палегчыла жыццё, затое начыста пазбавіла сучасных людзей навыку знаёміцца ўжывую. Відавочна, надышоў час успомніць, чаму нас вучылі рамантычныя камедыі! Набірайцеся смеласці і мякка запрашайце свайго візаві на каву. Безумоўна, вам могуць адмовіць, але затое ніхто не перашкодзіць ганарыцца праяўленай смеласцю.
Зрэшты, калі вы паспелі сабраць у Тындары «кветнік» патэнцыйных партнёраў і не гатовыя расставацца з гэтай падборкай, скарыстайцеся VPN — ён дапаможа абысці блакаванне.
-
Псіхолаг: Мужчынам лепш не ставіць фота з шашлыком на сайце знаёмстваў
-
«Усе жанчыны мараць пра гасцявы шлюб». Прыбіральшчыца з Мінска бачыцца з мужам толькі на выходных і лічыць гэту схему ідэальнай
-
«Ужо назбірала гарэм з арабаў і туркаў, але які сэнс?» Беларуска пра тое, як шукае мужа на сайтах знаёмстваў
Стала вядома імя чалавека, якога сілавікі назвалі першым затрыманым па справе «Гаюна»7
Каментары