Abvieščany hrašovy zbor dla akciora Dźmitryja Jesianieviča, jaki byŭ vymušany vyjechać z krainy z žonkaj i tryma dziećmi
Patrabujecca sabrać 5000 jeŭra.
Abvieščany hrašovy zbor dla akciora Dźmitryja Jesianieviča, jaki byŭ vymušany vyjechać z krainy z žonkaj i tryma dziećmi.
«Kali paznavali ŭ Minsku ŭ kramach, kazali: jak, vy tut?!» Kupałaviec Dźmitryj Jesianievič raskazaŭ pra svajo zatrymańnie
Svaju historyju Dźmitryj koratka taksama apisaŭ na sajcie «Bajsoła».
«Mianie zavuć Dźmitryj Jesianievič. Z 2003 pa 2020 hod ja pracavaŭ akcioram u Kupałaŭskim teatry. U 2020 hodzie zvolniŭsia ŭ znak pratestu suprać vynikaŭ vybaraŭ i hvałtu nad biełaruskim narodam. Z 2018 pa 2021 hod ja taksama byŭ viadoŭcam prahramy «Chaj Tak» na kanale «Biełsat», jaki paśla byŭ pryznany ekstremisckim. Jašče ja adzin z suaŭtaraŭ i ŭdzielnikaŭ YouTube-kanała «Čynčynčenieł». U mianie šmatdzietnaja siamja: dačka 14 hadoŭ, dačka 3,5 hoda i syn 3,5 hoda.
Paśla majho zvalnieńnia ŭ 2020 hodzie, niahledziačy na zakony, jakija abaraniajuć šmatdzietnyja siemji ŭ Biełarusi, nas z žonkaj, dvuch tolki što narodžanych niemaŭlataŭ i starejšuju dačku vysielili sa słužbovaj kvatery. Mianie ŭnieśli ŭ «čorny śpis» zabaronienych akcioraŭ, što faktyčna pazbaviła mianie mahčymaści pracavać u Biełarusi. Aficyjnuju pracu ja znajści tak i nie zmoh.
30 maja 2024 hoda mianie źniali z aŭtobusa pry pierasiačeńni miažy na šlachu ŭ Vilniu. Mianie aryštavali pa kryminalnaj spravie «Biełsat» i dapytvali z nahody majho ŭdziełu ŭ YouTube kanale «Čynčynčenieł», piersanažy jakoha taksama vykarystoŭvalisia na «Biełsat». Pahražali kryminalnymi artykułami.Byŭ sud pa administracyjnaj spravie, dali 14 sutak na Akreścina.
Paśla adbyćcia terminu mianie advieźli ŭ HUBAZiK na dopyt, dzie pahražali, što suprać mianie zaviaduć kryminalnuju spravu, a za majoj žonkaj buduć sačyć, i jana, kali budzie z kim-niebudź kantaktavać, prasić dapamohu, taksama pajedzie ŭ izalatar na Akreścina.
Uśviadomiŭšy ŭsie ryzyki, ja pryniaŭ rašeńnie źjechać ź Biełarusi. 11 žniŭnia 2024 hoda, dziakujučy dapamozie «Bajsoł», my ŭsioj siamjoj pakinuli krainu, skarystaŭšysia roznymi maršrutami. Ciapier my znachodzimsia ŭ Polščy, dzie sprabujem pačać novaje žyćcio. My ŭ pracesie rełakacyi, pošuku žylla i lehalizacyi.
My źviartajemsia da vas pa dapamohu. Nam nieabchodna źniać žyllo na niekalki miesiacaŭ i zabiaśpiečyć našu siamju samym nieabchodnym, pakul my prychodzim u siabie i pačynajem usio z nula ŭ novaj krainie.
My budziem udziačnyja za lubuju padtrymku!» — piša Dźmitryj Jesianievič.
Suma zboru €5000
- €2500 — žyllo na 3 miesiacy dla našaj vialikaj siamji + zakład
- €800 — dla apłaty pryvatnaha dziciačaha sadka, pakul čakajem svaju čarhu ŭ municypalnym.
- €1700 — «padtrymlivajučyja hrošy» na bližejšyja 2-4 miesiacy, pakul my budziem šukać krynicu dachodu.
Dapamahčy praz Bajsoł (nie danaćcie ź Biełarusi abo biełaruskich kartak)
«Kali paznavali ŭ Minsku ŭ kramach, kazali: jak, vy tut?!» Kupałaviec Dźmitryj Jesianievič raskazaŭ pra svajo zatrymańnie
Akcior-kupałaviec Dźmitryj Jesianievič, jaki sutyknuŭsia z represijami, zmoh vyjechać ź Biełarusi
«ČinČiny proletieli kukuškoj» — satyryčny film z novaj pieśniaj Aleny ŽałudOk. Premjera ŭ jutubie — 31 žniŭnia
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary