Rasija źbiraje rakiety Ch-101, adna ź jakich trapiła ŭ dziciačuju balnicu ŭ Kijevie, z zachodnich kampanientaŭ
Rasija vykarystoŭvaje zachodnija kampanienty pry vyrabie rakiet Ch-101, adna ź jakich pry abstrele Kijeva 8 lipienia trapiła ŭ dziciačuju balnicu «Achmatdziet», piša The Financial Times. Artykuł pierakazvaje «Mieduza».
U svaich vysnovach vydańnie spasyłajecca na mierkavańnie ekśpiertaŭ, a taksama na analiz ukrainskaha boku frahmienta anałahičnaj rakiety, zapuščanaj vojskami RF pa Ukrainie ŭ studzieni 2024-ha.
Pa danych Financial Times, rasijskija kampanii ŭ 2023 hodzie kuplali detali, identyčnyja tym, ź jakich była sabrana zapuščanaja ŭ studzieni Ch-101, na adkrytych handlovych placoŭkach i impartavali ich praz Kitaj.
Raniej rasijskija žurnalisty nieadnarazova raskazvali, jak kampanii-pasiaredniki zakuplajuć zachodnija kampanienty dla rasijskaha abaronnaha siektara.
Usiaho ŭ hetym frahmiencie rakiety byli znojdzieny 16 zachodnich kampanientaŭ. Dva ź ich byli markiravany jak vyrablenyja šviejcarskaj kampanijaj STMicroelectronics, a astatnija byli vyrableny amierykanskimi vytvorcami mikraschiem, u tym liku Texas Instruments, Analog Devices i Intel. Pry hetym znojdzienyja detali ŭ asnoŭnym byli pryznačanyja dla cyvilnaha vykarystańnia.
Zhodna z analizam Ofisa prezidenta Ukrainy, jakija apynulisia ŭ rasparadžeńni žurnalistaŭ, u cełaj rakiecie Ch-101 moža być bolš za 50 roznych detalaŭ zamiežnaj vytvorčaści.
Financial Times nazyvaje Ch-101 adnoj z samych sučasnych rasijskich kryłatych rakiet.
Pavodle acenki brytanskaha Karaleŭskaha instytuta abjadnanych słužbaŭ (RUSI), z pačatku poŭnamaštabnaha ŭvarvańnia va Ukrainu Rasija ŭ vosiem razoŭ pavialičyła abjomy vytvorčaści rakiet Ch-101: z 56 štuk u 2021 hodzie da 420 štuk u 2023-m.
Rasijskija vojski 8 lipienia nanieśli masiravany rakietny ŭdar pa Kijevie i inšych haradach Ukrainy. Pry atacy ŭ stalicy paškodžańni atrymaŭ korpus dziciačaj balnicy «Achmatdziet», u vyniku čaho dva čałavieki zahinuli, bolš za 30 paciarpieli. Pa danych DSNS Ukrainy, usiaho pry abstrele Kijeva zahinuli 33 čałavieki, u tym liku piaciora dziaciej. Jašče 121 čałaviek paciarpieŭ.
Pa viersii ŭkrainskich uładaŭ, u lakarniu patrapiła rasijskaja rakieta X-101. Niezaležnyja ekśpierty i žurnalisty, u tym liku Bellingcat, ličać, što ŭ korpus «Achmatdzieta» patrapiła rasijskaja rakieta. U Minabarony RF śćviardžajuć, što razbureńni ŭ Kijevie byli vyklikanyja «padzieńniem ukrainskaj rakiety SPA».
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary