Hałoŭnaje ŭpraŭleńnie vyviedki Ukrainy paćvierdziła, što Telegram 28 krasavika «zabłakavaŭ šerah aficyjnych botaŭ, jakija procidziejničali vajennaj ahresii Rasii suprać Ukrainy».
Siarod zabłakavanych apynuŭsia i «hałoŭny bot raźviedki», pry dapamozie jakoha, jak pisali ŭkrainskija ŚMI, žychary akupavanych terytoryj Ukrainy mahli pieradavać źviestki HUR, paviedamlaje «Astra».
«Siońnia kiraŭnictva płatformy Telegram nieabhruntavana zabłakavała šerah aficyjnych botaŭ, jakija procidziejničali vajennaj ahresii Rasiei suprać Ukrainy, u tym liku, zabłakavany «hałoŭny bot vyviedki». Heta adbyłosia ŭ supiarečnaść praviłam i publičnym zajavam, jakija kiraŭnictva Telegram publična dekłaravała», — havorycca ŭ paviedamleńni HUR.
Taksama paviedamlałasia ab błakavańni botaŭ Słužby biaśpieki Ukrainy i inšych. Pad zabaronu trapiŭ čat-bot dziejučaha na baku Ukrainy padraździaleńnia «Lehijon Svaboda Rasii», i bot telehram-kanała «Krymski viecier», jaki publikavaŭ infarmacyju ab naniesienych rakietnych udarach pa Krymie.
24 krasavika zasnavalnik Telegram Pavieł Duraŭ napisaŭ, što płatforma błakuje «kanały i boty, jakija źbirajuć kaardynaty dla naniasieńnia ŭdaraŭ abo publikujuć pramuju piersanalnuju infarmacyju z zaklikami da hvałtu».
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»13
Kamientary