Stała viadoma, za što buduć sudzić mastoŭskaha fatohrafa Ivana Padlipiencava. Jamu pahražaje da 7 hadoŭ
Sud na mužčynam pačniecca praz dva tydni.
Mužčynu 43 hady. Jon z Mastoŭ. Ivan pradprymalnik, u jaho dahetul adkrytaje IP, śfieraj dziejnaści jakoha paznačana «dziejnaść u halinie fatahrafii».
Ivana zatrymali ŭ červieni 2023-ha hoda. Tady hubazikaŭcy natoŭpam navalilisia na jaho na padvorku i advieźli ŭ pastarunak u adnych majtkach. U videa siłavikoŭ jamu zakidałasia toje, što jon «pakidaŭ abraźlivyja kamientary ŭ telehramie i zarehistravaŭsia ŭ płanie «Pieramoha».
Ciapier stała viadoma, za što buduć sudzić. Heta ažno čatyry artykuły — «abraza Łukašenki» (č. 1 art. 368 KK RB), «abraza pradstaŭnika ŭłady» (art. 369), «udzieł u ekstremisckim farmiravańni» (č. 1 art. 361-1) i «raspalvańnie varožaści abo varažniečy» (č. 1 art. 130).
Padlipiencavu pahražaje da siami hadoŭ źniavoleńnia. Sud nad Ivanam pačniecca 11 sakavika ŭ Hrodzienskim abłasnym sudzie.
«Naša Niva» — bastyjon biełaruščyny
PADTRYMAĆStała viadoma imia čałavieka, jakoha siłaviki nazvali pieršym zatrymanym pa spravie «Hajuna»17
Kamientary