Jakich impartnych tavaraŭ bolš za ŭsio nie chapaje biełarusam?
Asartymient impartnych tavaraŭ u biełaruskich kramach za apošnija hady prykmietna skaraciŭsia. Pradukcyja niekatorych brendaŭ i zusim źnikła z prodažu ŭ našaj krainie. Baranavickaje vydańnie Bar24 pacikaviłasia ŭ svaich padpisčykaŭ u sacsietkach, pa jakich tavarach, źnikłych z palic kram, jany sumujuć bolš za ŭsio, i ci ŭdałosia znajści im zamienu.
Bolšaść čytačoŭ vydańnia adznačyli, što sumujuć pa impartnych łasunkach. Adrazu niekalki čałaviek uspomnili pra źnikłyja z prodažu vafli KitKat.
«U ich šakaład toŭsty. I vafielka. Zamieny nie znajšła, uspaminaju z nastalhijaj», — napisała adna z čytačak.
Jašče niekalki haradžan adznačyli, što sumujuć pa pradukcyi brenda Roshen.
«Cukierki ŭ ich vielmi smačnyja. Mahła choć kožny dzień jeści. I ich Kijeŭski tort. Anałaha im nie znajšła. Kuplaju, što pryjdziecca», — adznačyła jašče adna haradžanka.
Chtości ŭspomniŭ pra impartnuju kaśmietyku, chtości — pra vitaminy i leki.
«Mnie dapamahali ad kašlu paściłki «Doktar MOM». Pryjšłosia šukać zamienu. Znajšoŭ vielmi dobryja siropy ad kašlu biełaruskaj firmy «Ekzon». Byŭ pryjemna ździŭleny ich jakaściu: kašal prajšoŭ litaralna za try dni», — napisaŭ čytač.
Jašče adzin haradžanin adznačyŭ, što bolš za ŭsio jamu nie chapaje pradukcyi kampanii Liqui Moly.
«Ja pracuju z aŭtamabilami. Niekatoryja rečy ŭdałosia zamianić, a pa niekatorych pazicyjach niama anałahaŭ. Davodzicca albo rabić nie pa technałohii, albo naohuł nie rabić niekatoryja momanty», — adznačyŭ jon.
U toj ža čas niekatoryja padpisčyki Bar24 u sacsietkach i zusim nie zaŭvažyli źniknieńnia impartnych tavaraŭ. I adznačyli, što im «usiaho chapaje».
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie8
Kamientary
Kaho vy chočacie pakarać "za vybar 1994ha"? Kaho nazyvajecie "narodcam"?
Ludziej, jakija sotniami tysiač vychodzili na pratesty ŭ 2020m, a zaraz znachodziacca pad represijami?
Ludzi, jakim 0-21 hod uvohule nikoli nie hałasavali, navat u 2020m, bo mieli mieńš za 18 hod u 2020. Ich treba pakarać? Dyk jany i tak chodziać u sekandchendzie i niajakasnaj vopratcy azijackaj vytvorčaści. I drenna charčujucca. Va ŭsich hastryty, drenny zrok, drennaja skura i skryŭlenyja chrybietniki.
Vakansii dla moładzi - pracoŭny dzień pa 10-12 hadzin. Što jašče bolš psuje zdaroŭje.
A im jašče ŭładu ŭ budučyni mianiać z takim zdaroŭjem. (Toje, što vy nie zrabili).