Jak paśla dvuch hadoŭ sankcyj źmianilisia biełaruskija palicy ź ježaj
Embarha na niekatoruju zachodniuju ježu spoŭniłasia dva hady. Pad zabaronu patrapili viadomyja brendy kandytarki, małočki, miasa, harodniny i sadaviny. Potym embarha źmiakčali, ale niadaŭniaj pastanovaj urad vyrašyŭ: hetyja miery z nami jak minimum jašče na hod, da kanca 2024-ha. Onliner pahladzieŭ, jak vyhladajuć palicy ź impartam ciapier.
Što z kandytarkaj
Na palicach z kandytarkaj za dva hady zdaryłasia najbolš źmienaŭ. Zvykłyja brendy pačali zamiaščacca biełaruskimi fabrykami i «družalubnym» impartam. Z apošniaha, akramia rasijskich, samymi prykmietnymi stali vytvorcy z Turcyi, AAE i Irana.
U niejki momant Turcyju ŭvohule možna było paličyć adnym z hałoŭnych bienieficyjaraŭ: šakaładki i piečyva z hetaj krainy źjavilisia praktyčna ŭ kožnaj kramie. I nie tolki jany — tureckija kandytary nacelilisia praktyčna na ŭsio: kvadratny šakaład pa anałohii z Ritter Sport, raznastajny žavalny marmieład — ad mišak da čarviačkoŭ, nuha i pałački hrysini zamiest italjanskaj zabaronki, zamieńniki Nutella. Vafli, trufieli, biskvity i inšyja atrybuty sałodkaha žyćcia — tureckaj kandytarki pa-raniejšamu zastajecca vielmi šmat.
Zavod Ferrero jość i ŭ Rasii, tamu Nutella, rafaełki i kindary nikudy nie źnikali, ale voś Ferrero Rocher tam nie vyrablajuć.
Paru miesiacaŭ tamu čytač znajšoŭ aryhinalnuju zamienu (taksama z Kitaja) Deffero — biudžetnaja kopija z padobnymi nazvaj, pakavańniem i składam.
Aryhinalnyja Ferrero Rocher u vialikaj upakoŭcy kaštujuć 166 rubloŭ za kiłahram. Nazirajecca niejki łahistyčny rebus, čamu ich pryvieźli, kali na palicy jość italjanskija pa 140 rubloŭ za kiło.
Daražejšaje tolki tureckaje piečyva ŭ modnaj skryncy.
Ź jeŭrapiejskaj sankcyjonki na palicy znoŭ lehli francuzskija trufieli i bielhijskija rakavinki.
Italjanskija savajardzi kankurujuć ciapier z tureckimi. I biełaruskimi, vytvorčaściu jakich raptoŭna zaniałasia fiermierskaja haspadarka. Pa canie atrymałasia amal u dva razy tańniej za italjanskija.
Niahledziačy na maštabnaje viartańnie jeŭrapiejskich brendaŭ, inšy impart taksama znajšoŭ sabie miesca na palicy. Raniej byli brazilskija kaladnyja kieksy panteonie, ciapier jašče i šakaład. Hety — ź pieršaj u Brazilii šakaładnaj fabryki, jakuju adkryli tam niamieckija emihranty ŭ 1891 hodzie.
Z AAE praciahvajuć vieźci kieksy, piečyva, kruasany.
Iranskija prysmaki bolš nijakaja nie ekzotyka dla biełaruskich kramaŭ. Navahodnija padarunki, šakaład, piečyva amal dva hady ŭtrymlivajucca na palicach. Supierniezvyčajnych smakaŭ niama, pryvoziać albo bolš univiersalnyja, albo sproby niešta skapijavać — naprykład, tonkaje francuzskaje piečyva.
Impart z SND pradstaŭleny ścipła: pa niekalki pazicyj z Kazachstana, Uźbiekistana, Armienii.
Polskija jabłyki — tolki viasnoj i letam
Hety Novy hod my sustreli ź ispanskimi churmoj i klemiencinami, i nijakija embarha hetamu nie pieraškodzili.
Samaja narodnaja pazicyja — jabłyki. Pa novaj pastanovie ŭrada dla ich zrabili bolš paturańniaŭ: raniej dazvalali «niedružalubny» impart tolki ŭ lipieni, ciapier uvoz dazvolili z krasavika pa lipień, kali biełaruskija jabłyki ŭžo mohuć skončycca.
Ciapier košty pačynajucca ŭ asnoŭnym ad 2,5 rubla za biełaruskija jabłyki i dachodziać da 5 za małdaŭskija.
Mnohija pazicyi — nakštałt limonaŭ, apielsinaŭ, mandarynaŭ, kivi i hranataŭ — Jeŭropa (čaściej za ŭsio Ispanija) i Turcyja zakryvajuć pa prykładna padobnych cenach.
Elitnyja limony z Uźbiekistana ŭ razy daražejšyja za zvyčajnyja. U rajonie 30 rubloŭ kaštujuć piersiki i niektaryny, jakija pryjazdžajuć ciapier z PAR.
«Załatyja» ahurki pa 17 rubloŭ pryjazdžajuć z Rasii, biełaruskija hładkija kaštujuć u rajonie 7,5 rubla.
U pamidorach bolš impartnaj raznastajnaści, ale cenaŭ heta asabliva nie ratuje — treba čakać leta. Pakul tureckija pradajuć pa 10—11 rubloŭ, rasijskija — pa 14, azierbajdžanskija — pa 16. Ceny na čery z Maroka pieravodzić u kiłahramy nie chočacca: tam dachodzić da 30 rubloŭ.
U zamarožanaj harodninie znoŭ jość krychu polskaj pradukcyi, ale voś pamidoraŭ bolš nie voziać.
Što z małočkaj i miasam
Padobna, tut kontrsankcyi pieramahli — heta adździeły, dzie embarha spraŭna pracuje. Mikradozy ispanskaha chamonu i italjanskich parmiezanaŭ źnikli dastatkova chutka, ciapier u miasnym i małočnym adździełach panujuć biełaruskija i rasijskija vytvorcy.
Jeŭrapiejskich johurtaŭ i masła i tak było vielmi mała — ciapier niama zusim, usio dzielać dźvie krainy. Pry hetym raślinnaje małako pad embarha nie traplaje.
Niahledziačy na adsutnaść kankurentaŭ, rasijskija zavody nijak nie mohuć supakoicca i praciahvajuć mimikryravać pad jeŭrapiejskija. Na adnym pakavańni moža źmiaścicca čatyry zhadki Šviejcaryi i jaje ściah, a na advarotnym baku — vytvorca TAA «Pradłajn», Sankt-Pieciarburh.
Toje ž samaje z prašuta. Navat kali na pakavańni napisana Product of San Marino, budźcie hatovyja, što na zvarotnym boku staiŭsia čarhovy rasijski zavod, jaki vyrašyŭ, što jamu možna i jon nikoha nie ŭvodzić u zman.
«Ni syru niama, ni da syru niama». Biełarusy raskazali, jak źmianiła ich žyćcio ŭviadzieńnie embarha na tavary z «niedružalubnych» krain
Rajonka zładziła rejd pa sielskich kramach i ledź znajšła mandaryny
Iran, AAE, Brazilija… Słodyčy ź jakich krain možna ciapier pabačyć na palicach biełaruskich kram?
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
darečy, parašenka choć adnu cukierkavuju fabryku ŭ rašy pradaŭ? kolki ni pytała - 0 adkazu