Nadzieždzina nie zarehistravali kandydatam na prezidenckich vybarach u Rasii
Takoje rašeńnie siońnia vynies Centrvybarkam Rasii.
Spačatku Centrvybarkam pa vynikach pravierki podpisaŭ u padtrymku staršyni partyi «Kamunisty Rasii» Siarhieja Malinkoviča admoviŭsia rehistravać jaho kandydatam na vybarach prezidenta ŭ sakaviku.
Ahułam jon pradstaviŭ u CVK amal 105 tysiač podpisaŭ, pracoŭnaja hrupa praviarała 60 tysiač. Pryznany niesapraŭdnymi 8979 podpisaŭ.
Zatym toje ž samaje rašeńnie było pryniata pa Barysie Nadzieždzinie.
CVK abjaviŭ niesapraŭdnymi 9147 podpisaŭ Barysa Nadzieždzina, što skłała zvyš 15%. Dastaviernymi pryznanyja 95587 podpisaŭ.
Tak, u padtrymku Nadzieždzina byli nibyta vyjaŭlenyja podpisy 11 pamierłych ludziej, zajaviŭ namieśnik staršyni CVK RF Bułajeŭ.
Raniej paviedamlałasia, što Administracyja prezidenta Rasii «rekamiendavała» CVK nie rehistravać Barysa Nadzieždzina.
Saviet Fiederacyi pryznačyŭ prezidenckija vybary na 17 sakavika 2024 hoda. Hałasavańnie praciahniecca try dni: 15, 16 i 17 sakavika.
Na siońnia CVK RF zarehistravaŭ čatyroch kandydataŭ u prezidenty — Leanida Słuckaha, Mikałaja Charytonava, Uładzisłava Davankova i Uładzimira Pucina.
Centrvybarkam pavinien pryniać rašeńnie ab rehistracyi abo admovie ŭ joj u dačynieńni da ŭsich kandydataŭ nie paźniej za 10 lutaha.
CVK RF znajšoŭ 15% «braku» ŭ padpisnych listach za Barysa Nadzieždzina
U Rasii CVK znajšoŭ u podpisach za Nadzieždzina pamyłki, jakija «vyklikajuć ździŭleńnie»
Kamanda Navalnaha abviaściła svaju stratehiju na dzień prezidenckich vybaraŭ
«Kab nie zrabiŭsia rasijskaj Cichanoŭskaj». Administracyja prezidenta Rasii rekamiendavała nie dapuskać Nadzieždzina da vybaraŭ
Fizik, bard i šmatdzietny baćka — chto taki Barys Nadzieždzin, za vyłučeńnie jakoha ŭ Rasii ludzi stajać u čerhach, kab pakinuć svoj podpis
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary