«Capkała mieŭ šancy stać značnaj piersonaj u historyi Biełarusi. Ale žyvie ŭ ideałahiemach ruskaha śvietu»
Suzaznavalnik fondu «Bajsoł» Andrej Stryžak u intervju «Našaj Nivie» vykazaŭ svajo mierkavańnie ab Valeryju Capkału.
U vialikim intervju našamu vydańniu Andrej Stryžak parazvažaŭ pra los Valeryja Capkały:
«Heta trahiedyja, asabistaja trahiedyja čałavieka, na moj pohlad. Bo čałaviek na pačatku 1990-ch mieŭ vielmi vialikija šancy stać značnaj piersonaj u historyi Biełarusi — ambasadar u ZŠA, čałaviek małady, erudyravany, technakrat».
Na pohlad Stryžaka, u Capkały jość niekalki asnoŭnych prablem: «Čałaviek tak ci inakš žyvie ŭ ideałahiemach «ruskaha śvietu», u jaho mocnaja aryjentacyja na Maskvu, prynamsi ŭ tych vykazvańniach, jakija jon sabie dazvalaŭ».
Andrej Stryžak taksama vykazaŭsia adnosna krytyki Capkały jaho asabista:
«Ja razumieju jaho staŭleńnie da mianie. Niachaj vykazvaje — jon maje na heta prava. Niama ŭ Biełarusi praktyki publičnaj dyskusii, i kali jana takim koštam budzie raźvivacca, to niachaj».
Nahadajem, što Valeryj Capkała pierajšoŭ u apazicyju da Alaksandra Łukašenki ŭ 2020 hodzie. Da taho jon pracavaŭ jahonym pamočnikam, a paśla kiraŭnikom Parka vysokich technałohij. Capkała sabraŭ nieabchodnuju kolkaść podpisaŭ, kab stać kandydatam u prezidenty, ale jaho, jak i Viktara Babaryku, nie zarehistravali. Paśla hetaha jahonaja žonka Vieranika Capkała adyhrała, razam sa Śviatłanaj Cichanoŭskaj i Maryjaj Kaleśnikavaj, vyklučnuju rolu ŭ mabilizacyi hramadstva na vybary 2020.
Siamja vymušana była zjechać z krainy. Pad kaniec 2020 hoda Valeryj Capkała pačaŭ šukać asobnych šlachoŭ-daroh. Ën uvajšoŭ u kaalicyju z Volhaj Karač i šeraham inšych dziejačaŭ druhoha płana. U 2023 hodzie Valeryj Capkała vystupiŭ z krytykaj arhanizataraŭ i ŭdzielnikaŭ «Marafonu salidarnaści».
Čytajcie jašče:
Valeryj Capkała vyrašyŭ ckavać niazhodnych ź im žurnalistaŭ — pačaŭ sa Źmitra Łukašuka
«Hrantasosy kupajucca va ŭzajemnym kryvaduššy». Capkała aplavaŭ marafon salidarnaści
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk25
Kamientary