Kultura88

Aktyvisty daviedalisia, chto i kali źnios pamiatny znak u honar paŭstańnia 1863 hoda ŭ Hrodnie

Kab vykryć chłuśniu hrodzienskich čynoŭnikaŭ, jakija ŭparta śćviardžali, što nie majuć źviestak ani pra toje, što znak adnosicca da tvoraŭ dekaratyŭna-manumientalnaha mastactva, ani pra samo isnavańnie znaka, daviałosia pajści na chitraść.

Fota: Hrodna.life

Pra heta raspavioŭ telehram-kanał «Spadčyna», jaki śpiecyjalizujecca na achovie kulturnaj spadčyny. 

Razumiejučy, što ad hrodzienskich čynoŭnikaŭ i ŭstanoŭ niemahčyma damahčysia nijakaha inšaha adkazu akramia «ničoha nie viedajem», aktyvisty źviarnulisia va ŭstanovu, z kulturaj nie źviazanuju. 

Adkaz Baranavickaha adździaleńnia Biełaruskaj čyhunki, u jakim paviedamlajecca, što znak u honar paŭstańnia 1863 hoda byŭ demantavany Hrodzienskaj haradskoj ŽKH. Fota: telehram-kanał «Spadčyna»

Reč u tym, što stancyja «Hrodna», na jakoj znachodziŭsia znak u honar paŭstańnia, naležyć da Baranavickaha adździaleńnia Biełaruskaj čyhunki ź siadzibaj u horadzie Baranavičy Bresckaj vobłaści. Atrymany z Baranavičaŭ adkaz narešcie praliŭ śviatło na toje, chto i kali demantavaŭ histaryčnuju słavutaść:

«Pamiatny znak, pryśviečany paŭstancam 1863 hoda, z terytoryi čyhunačnaha vakzała na stancyi Hrodna byŭ demantavany 11.07.2023 rabotnikami AUVP «Hrodzienskaja haradskaja žyllova-kamunalnaja haspadarka».

Adkaz Hrodzienskaj haradskoj žyllova-kamunalnaj haspadarki. Fota: telehram-kanał «Spadčyna»

Aktyvisty paśla atrymańnia adkazu źviarnulisia ŭ zhadanuju haradskuju ŽKH, nie paviedamlajučy pra toje, što im užo viadoma pra znak, i atrymali čakany adkaz — «infarmacyja pra abjekt, zhadany ŭ vašym zvarocie, adsutničaje».

Pra źniknieńnie znaka z hrodzienskaha čyhunačnaha vakzała stała viadoma 20 lipienia 2023 hoda. Zamiest jaho źjaviłasia šylda, pryśviečanaja savieckim padpolščykam časoŭ Druhoj suśvietnaj vajny. Znak pravisieŭ na ścianie vakzała kala 30 hadoŭ, jaho aŭtar — hrodzienski skulptar Uładzimir Pancialejeŭ.

Pa viersii telehram-kanała «Hrodna 11:27», da źniknieńnia znaka moža być datyčnaja prarasijskaja aktyvistka Volha Bondarava, jakaja zmahajecca ź luboj nacyjanalnaj spadčynaj, jakaja nie ŭpisvajecca ŭ saviecka-rasijskija histaryčnyja naratyvy. Paŭstancy 1863-1864 hadoŭ dla jaje «polskija terarysty», a Muraŭjoŭ-Viešalnik — «nacyjanalny biełaruski hieroj»

«Naša Niva» — bastyjon biełaruščyny

PADTRYMAĆ

Kamientary8

  • Bizun
    01.11.2023
    Karanika u adstauku!
  • Horad H
    01.11.2023
    Pamiatny znak, pryśviečany paŭstancam 1863 hoda, z terytoryi čyhunačnaha vakzała na stancyi Hrodna byŭ demantavany 11.07.2023 rabotnikami AUVP «Hrodzienskaja haradskaja žyllova-kamunalnaja haspadarka. A jak viadoma, ŽKH - heta votčyna Kačanavaj. Chučtej za ŭsio i biez ruskamirskaj bondaravaj tam nie abyšłosia
  • mak
    01.11.2023
    Tut suciašaje toje, što robiać jany heta jak złodziei, upotaj, ŭ ciemry i nie pryznajucca što zrabili. Značyć adčuvajuć svaju vinu i bajacca narodnaha hnievu. Značyć žyvie jašče biełaruščyna. 

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Usie naviny →
Usie naviny

Padletku sa Žłobina dali chatniuju chimiju za toje, što sarvaŭ dziaržaŭny ściah2

Azierbajdžan spyniŭ u krainie dziejnaść «Rassupracoŭnictva»9

Łukašenka zajaviŭ pra ŭzmacnieńnie paŭnamoctvaŭ miascovaj ułady ŭ dačynieńni da pryvatnaha siektara9

U «Minsk-Śviecie» siońnia zdaryŭsia patop4

Stryžak nazvaŭ, kolki zvarotaŭ pryjšło ŭ BYSOL praz uzłom «Biełaruskaha Hajuna»2

Na trasie Minsk — Brest ciahnik źbiŭ mikraaŭtobus

Cichanoŭskaja: «Apošni raz ja čuła hołas muža čatyry hady tamu». Siarhiej Cichanoŭski znachodzicca ŭ režymie inkamunikada 700 dzion13

Praź śpiešku CRU źliło imiony svaich maładych supracoŭnikaŭ, na jakich palujuć kitajskija śpiecsłužby7

Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie9

bolš čytanych navin
bolš łajkanych navin

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29

Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk

Hałoŭnaje
Usie naviny →

Zaŭvaha:

 

 

 

 

Zakryć Paviedamić