Raptoŭna pamior 46-hadovy ministr transpartu i kamunikacyj Alaksiej Aŭramienka
4 lipienia raptoŭna pamior ministr transpartu i kamunikacyj Biełarusi Alaksiej Aŭramienka, paviedamili BIEŁTA ŭ viedamstvie.
Alaksiej Aŭramienka naradziŭsia ŭ 1977 hodzie ŭ Minsku.
U 1999 hodzie skončyŭ Biełaruskuju dziaržaŭnuju politechničnuju akademiju, u 2010 hodzie — Akademiju kiravańnia.
Z 2000 pa 2001 hod pracavaŭ hałoŭnym śpiecyjalistam adździeła ŭtrymańnia darožnaj sietki Kamiteta pa aŭtamabilnych darohach pry Ministerstvie transpartu i kamunikacyj Biełarusi, z 2001 pa 2006 hod — hałoŭnym śpiecyjalistam anałahičnaha ŭpraŭleńnia ŭ departamiencie «Biełaŭtadar» viedamstva.
Z 2006 hoda pracavaŭ na roznych pasadach va ŭpraŭleńni transpartu i suviazi aparatu Savieta Ministraŭ Biełarusi.
U 2012 hodzie ŭznačaliŭ upraŭleńnie transpartu i suviazi aparatu Savieta Ministraŭ.
Z 25 lipienia 2013 hoda zajmaŭ pasadu namieśnika ministra transpartu i kamunikacyj Biełarusi, z 3 sakavika 2016 hoda — pasadu pieršaha namieśnika ministra transpartu i kamunikacyj.
15 studzienia 2019 hoda Alaksiej Aŭramienka byŭ naznačany ministram transpartu i kamunikacyj.
Pryčyna śmierci nie paviedamlajecca.
Za apošni hod heta treciaja śmierć biełaruskich top-čynoŭnikaŭ: 26 listapada 2022 hoda pamior ministr zamiežnych spraŭ Uładzimir Makiej, 2 krasavika hetaha hoda — namieśnik ministra ekanomiki Biełarusi Siarhiej Micianski.
Kamientary
Aleksieja Nikołajeviča v apparatie Mintransa uvažali vsie.
😪
Naprykład, na akupavanych rasijaj terytoryjach Ukrainy akupanty taksaa papryznačali niejkich svaich staŭleńnikaŭ "ministrami aśviety", "ministrami ŭnutranych spravaŭ" i h.d. Va Ukrainie niemahčyma sabie ŭjavić, kab niejkaje ŚMI vyznała ich sapraŭdy hetymi ministrami i nazvała biez dvukośsia i ahavorki "pryznačany akupantami". I heta vielmi važna, kab ludzi i sami heyja kałabaranty razumieli, što jany pracujuć na niezakonnuju akupacyjnuju ŭładu. Čamu našyja ŚMI datyčna łukašenkavych čynoŭnikaŭ heta nie razumiejuć?