Siońnia stała viadoma, što pradstaŭniki Pałka Kalinoŭskaha praviali anłajn-pieramovy sa Śviatłanaj Cichanoŭskaj. Niekatoryja detali razmovy «Našaj Nivie» pryvioŭ adzin z bajcoŭ, jaki prysutničaŭ na hetaj videa-sustrečy.
Bajec z pazyŭnym «Mark» tłumačyć, što bajcy na vajnie na situacyju pryvykli hladzieć tak: za słovam aŭtamatyčna idzie sprava.
«Ja spadziajusia, my ŭbačym kanstruktyŭ ad taho, što sprabavali danieści da Śviatłany Cichanoŭskaj. Dumać pra toje, što Biełaruś moža vyzvalicca niejak sama abo Łukašenka źmienić pazicyju… heta hłupa. Čałaviek amal 30 hod zabivaje, katuje ludziej. Kancłahier tolki ŭmacoŭvajecca, na žal, situacyja nie mianiajecca.
Ja sprabavaŭ danieści, što Biełaruś možna vyzvalić tolki vajennym šlacham, rychtavacca i rychtavać ludziej. Zabyć tematyku mirnych pratestaŭ. Siłavy błok u Kabiniecie ŭžo skora hod jak pryznačany», — kaža Mark.
Padčas razmovy ź Cichanoŭskaj jon davodziŭ, što pakolki revalucyja ŭ 2020-m była kreatyŭnaj, a režym dziejničaŭ savieckimi mietadami, to treba staŭku rabić na kreatyŭ. Połk Kalinoŭskaha, jaki ciapier vajuje va Ukrainie, atrymlivaje dośvied, pra jaki vychadcy z savieckaj vajskovaj sistemy nie čuli, i heta moža dazvolić vyjhrać.
«Na moj pohlad, Valeryj Sachaščyk — kadravy saviecki vajenny. Maleńki «savok» budzie vajavać suprać vialikaha «saŭka». Nie treba razmyvać paradak dnia ź inšymi złučeńniami. Ludzi nie razumiejuć, kudy im iści, i ŭ vyniku nie iduć nikudy, chacia mahli b užo vučycca vajavać u Pałku Kalinoŭskaha», — dzielicca Mark.
«Nam praściej u Bachmut pryjechać, čym u Vilniu, my čakajem, što da nas niechta pryjedzie dla razmovy», — kaža bajec, jak palityki mohuć naładzić stasunki z Pałkom.
Jak adreahavała Cichanoŭskaja na słovy, što niama inšaha varyjanta, aproč siłavoha?
«Jana sprabavała danieści, što ludzi čakajuć, pakul pryjduć i ich vyzvalać. I byŭ dyjałoh: ludzi čakajuć — i što? Z kožnym dniom usio horš i horš u Biełarusi. Nie treba davać marnych nadziej, treba rychtavać, što my ŭsie razam pavinny vyzvalić našu krainu», — kaža bajec.
Mark kaža, što asablivaj kankretyki pa vynikach sustrečy nie pačuŭ.
«Dla mianie kankretyka heta: «Ja vas pačuła, čym vam dapamahčy? Zaŭtra ja pačnu kampaniju pa zakliku, kab biełarusy-dobraachvotniki ŭstupali ŭ šerahi Pałka».
Ja ŭbačyŭ palityka, jaki šmat havoryć, ale heta vajna. Dziejańniaŭ niama. My čakajem dziejańniaŭ. Ja nie mahu skazać, što nas mocna padtrymlivajuć i mocna dapamahajuć. 10 aŭtamabilaŭ, 2 drony… Pry toj našaj kolkaści ludziej i toj intensiŭnaści, heta ŭsio… Za miesiac my z vałanciorami źbirajem bolš», — vykazaŭsia Mark.
Čytajcie taksama:
Bajcy Pałka Kalinoŭskaha chitraściu vyklikali ahoń rasijan pa ich ža pazicyjach
Paŭłu Vabiščeviču, jakoha abvinavacili nibyta ŭ sprobie padryvu pasažyrskaha ciahnika, dali 23 hady kałonii1
Kamientary
https://d12yticwcnhwc8.cloudfront.net/318576
Heta chłuśnia !!!!
Čym vam pieraškadžaje vializny BDK (bieł dabraachvotnicki korpus) ci pahonia???
Usie adno suprać łukašenki buduć vajavać usie razam dy jašče padciahnucca tyja biełarusy, što zaraz u "zvyčajnym" ZSU