Pasoł Ukrainy žurnalistcy BT: «Ciažka nazvać karespandentam vas. Viedajecie: vy prapahandystka, nie bolš za toje»
U siužecie pra źbity nibyta ŭkrainski bieśpiłotnik BT pakazała, jak ich supracoŭnica sprabavała ŭziać kamientar u pasła Ukrainy ŭ Biełarusi Ihara Kizima.
Vytrymcy dypłamata možna pazajzdrościć.
Ihara Kizima siońnia vyklikali ŭ biełaruskaje MZS, kab uručyć notu pratestu ab «parušeńni miažy bieśpiłotnikam, zapuščanym z ukrainskaj terytoryi, jakoje nibyta mieła miesca». Jon sam adrazu paśla sustrečy raskazaŭ:
«Nie paśpieŭ ja vyjści ź lifta ŭ MZS Biełarusi, jak na mianie nalacieła biełaruskaja karespandentka dziaržkanała BT 1 (Ksienija Lebiedzieva) i stała nastojliva pytacca, «ci nie špijanaž heta».
Toje, što jana źjaviłasia ŭ MZS i zahadzia viedała pytańni, pra jakija my havaryli ź biełaruskimi kalehami, samo pa sabie ŭžo niezvyčajna i nie robić honaru dypłamatyčnamu viedamstvu. Tamu liču heta zahadzia spłanavanaj pravakacyjaj.
Tym bolš, što ŭ hety čas u Minabarony hetak ža byŭ vyklikany pamočnik vajennaha ataše i jaho taksama čakaŭ karespandent z hetaha telekanała kanała i z tym ža pytańniem. I tut pytańnie — navošta?».
Čytajcie taksama:
Pralacieŭ kala 40 km. Pa BT pakazali siužet pra nibyta ukrainski špijon-bieśpiłotnik
«Liču heta spłanavanaj pravakacyjaj»: pasoł Ukrainy pra situacyju vakoł «ukrainskaha drona»
Pasoł Ukrainy byŭ vyklikany ŭ Ministerstva zamiežnych spraŭ Biełarusi
«Čarhovaja pravakacyja ŭładaŭ Biełarusi». MZS Ukrainy adkazała na pretenzii biełaruskaha boku
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary