Валер Кавалеўскі расказаў, як можна пазбегнуць жалезнай заслоны
Прадстаўнік Аб'яднанага пераходнага кабінета па міжнародных справах Валер Кавалеўскі ў эфіры Deutsche Welle паразважаў, як пазбегнуць жалезнай заслоны на заходняй мяжы Беларусі. Ён адзначыў, што ёсць набор магчымых рашэнняў, якія дапамогуць беларусам захаваць цывілізацыйныя сувязі з еўрапейскай сям'ёй.
«Гэта і візавая палітыка, якая можа паляпшацца. У прынцыпе, мы б хацелі бачыць бязвізавы рэжым для беларусаў у Еўрапейскім саюзе. Але ўжо цяпер можна пачаць выдаваць візы з доўгім тэрмінам дзеяння — на пяць гадоў. Каб людзі не хадзілі па візы кожныя паўгода і не трацілі на гэта велізарную колькасць грошай», — падзяліўся меркаваннем Кавалеўскі.
Таксама Кавалеўскі заявіў пра неабходнасць аднаўлення чыгуначных зносін паміж Варшавай і Мінскам, а таксама Вільняй і Мінскам. Прадстаўнік АПК разумее, што гэта можа гучыць і несвоечасова, але беларусы, як ён сцвярджае, гэта дакладна ацэняць.
«Можна было б ставіць пытанне аб аднаўленні авіязносін, каб нават «Белавія» магла лётаць у Еўрасаюз. Гэта прадметы для перамоў», — адзначыў Кавалеўскі.
Ён лічыць, што неабходна дамагацца саступак ад рэжыму Лукашэнкі. Але ў першую чаргу дэмакратычныя сілы павінны думаць пра людзей, якія апынуліся ў бязвыхадным становішчы, калі больш няма куды ехаць, акрамя як у Расію.
Балгарыя і Румынія пачынаюць выдаваць шэнгенскія візы беларусам
Кавалеўскі адказаў на восем гарачых пытанняў пра пашпарт Новай Беларусі
Кавалеўскі расказаў, як і дзе будуць выдаваць пашпарт «Новай Беларусі»
Швецыя будзе выдаваць пашпарты замежніка беларусам з пратэрмінаванымі дакументамі
Офіс Ціханоўскай правёў канферэнцыю ў раскошнай віле ў цэнтры Прагі. Колькі каштавала арэнда?
«У гатэлі стаіць ахова толькі праз тое, што ты белай расы». Як беларус працаваў у В'етнаме, Зімбабвэ і Філіпінах9
Каментары