«Piedahoh-psichołah była na pracy ŭ stanie ałkaholnaha apjanieńnia». U Minskim rajonie vychavanka dziciačaj vioski skončyła žyćcio samahubstvam
Trahiedyja zdaryłasia vosieńniu 2023 hoda, dziaŭčyncy było 12 hadoŭ.
Vosieńniu 2023 hoda adna z vychavanak dziciačaj vioski ŭ Minskim rajonie skončyła žyćcio samahubstvam. U dzień trahiedyi piedahoh-psichołah znachodziłasia na pracy «ŭ stanie ałkaholnaha apjanieńnia». Hetaja infarmacyja vynikaje ź lista za podpisam namieśnika hienprakurora Maksima Varonina vice-premjeru Iharu Pietryšenku. Dakumient «Lusterka» atrymała z dapamohaj «Biełpoła».
Trahiedyja adbyłasia ŭ listapadzie 2023 hoda, dziaŭčyncy na toj momant było 12-13 hadoŭ. Miarkujučy pa tekście lista, žyćcio ŭ jaje składvałasia niaprosta. Doŭhi čas jana žyła z maci, jakaja piła i viała amaralny ład žyćcia. Dačku zabrali ź siamji i źmiaścili ŭ Minski rajonny sacyjalna-piedahahičny centr. Akazałasia, što tam jana nanosiła sabie paškodžańni.
— Piedahoham-psichołaham mierapryjemstvy pa akazańni psichałahičnaj dapamohi nie pravodzilisia, dyjahnastyčnyja daśledavańni i karekcyjnaja praca vialisia nierehularna i farmalna, pryčyny naniasieńnia samapaškodžańniaŭ nie vyśviatlalisia, — adznačyŭ Maksim Varonin i dadaŭ, što kryzisny psichołah z padletkam nie pracavaŭ.
U lipieni 2023 hoda dziaŭčynku źmiaścili ŭ dziciačuju viosku «Vytoki», jakaja znachodzicca ŭ Minskim rajonie, i zaličyli ŭ Baraŭlanskuju SŠ № 3. Adnak, jak piša namieśnik hienprakurora, situacyja ŭ padletka nie palepšyłasia.
— Akazańnie kvalifikavanaj psichołaha-piedahahičnaj dapamohi nie zabiaśpiečana, miery pa arhanizacyi volnaha času nie prymalisia, — paviedamiŭ Maksim Varonin.
U listapadzie 2023 hoda dziaŭčynka skončyła žyćcio samahubstvam — jana paviesiłasia.
— U dzień hibieli niepaŭnaletniaj piedahoh-psichołah znachodziłasia na pracoŭnym miescy ŭ stanie ałkaholnaha apjanieńnia, — napisaŭ namieśnik hienprakurora. — Jana patłumačyła, što ŭžyvała śpirtnoje ŭ suviazi z vyzvaleńniem siabra z turmy.
Nahadajem, letam 2024 hoda Hienprakuratura adznačała, što kolkaść dziciačych suicydaŭ raście. U pieršym paŭhodździ žyćcio samahubstvam skončyli 18 dziaciej. Heta na 50% bolš, čym za taki ž pieryjad 2023 hoda, kali trahiedyja adbyłasia z 12 niepaŭnaletnimi. Taksama ŭ viedamstvie adznačali, što chłopcy i dziaŭčynki stali raniej ździajśniać samahubstvy. Naprykład, dvum samym małodšym było ŭsiaho pa 10 hadoŭ.
-
Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna
-
Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema
-
U Viciebsku try miesiacy šukali sieryjnaha lukakrada. Jaho zatrymali, ale luki praciahvajuć źnikać
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Škada, što hetaje dzicio stała čarhovaj (i na žal daloka nie apošniaj) achviaraj antyčałaviečaj łukašysckaj sistemy.