Biełarus u kałonii vyvučyŭsia na prahramista, ale kraści nie kinuŭ
U Minsku buduć sudzić 36-hadovaha prahramista, jakoha abvinavačvajuć pa troch artykułach Kryminalnaha kodeksa, paviedamlajuć «Minsk-Naviny» sa spasyłkaj na prakuraturu.
Paviedamlajecca, što mužčyna byŭ nieadnarazova sudzimy. Padčas adbyćcia pakarańnie ŭ miescach pazbaŭleńnia voli jon vyvučyŭsia na IT-śpiecyjalista.
Paśla vyzvaleńnia były źniavoleny ŭładkavaŭsia technikam-prahramistam u kampjutarnuju firmu, dzie atrymlivaŭ bolš za 7,5 tysiač rubloŭ u miesiac. Adnak jaho zahubiła prychilnaść da azartnych hulniaŭ.
«U suviazi z čym u pieryjad z sakavika pa žnivień 2024 hoda ŭ niekalki etapaŭ jon skraŭ na pracy noŭtbuki i hrafičny płanšet, častka ź jakich byli absalutna novymi. Vykradzienuju majomaść złamyśnik zdaŭ u łambardy. Ahulnaja suma naniesienaj kampanii škody skłała bolš za 100 tys. rubloŭ», — paviedamlaje ahienctva.
Kali niastaču vyjavili, to rabotnika zvolnili. Jon u jakaści pomsty błakavaŭ i parušyŭ pracu kampjutarnaj sistemy firmy, u suviazi z čym arhanizacyja paniesła straty na sumu bolš za 5 tysiač rubloŭ.
Taksama stała viadoma, što ŭ nazvany pieryjad mužčyna prysvoiŭ jašče try noŭtbuki i mabilny telefon ahulnym koštam 31,3 tysiačy rubloŭ, jakija taksama zdaŭ u łambardy, a atrymanyja hrošy patraciŭ na staŭki ŭ anłajn-kazino.
U vyniku minčuka buduć sudzić za kradziež, prysvajeńnie albo rastratu, a taksama za źniščeńnie, błakavańnie abo madyfikacyju kampjutarnaj infarmacyi.
Sam jon, adnak, vinu pryznaje tolki častkova — admaŭlaje svajo dačynieńnie da taho, što błakavaŭ i parušyŭ pracu kampjutarnaj sistemy firmy.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary