Žychar Homiela tak pavieryŭ machlaram, što nie tolki straciŭ svaju kvateru, hrošy ad jaje, ale i sam pierajechaŭ u zdymnaje žytło
46-hadovy žychar Homiela staŭ achviaraj ašukanstva, jakoje SK navat nazvaŭ «kałasalnym».
U lipieni hetaha hoda mužčynu pastupiŭ zvanok nibyta ad supracoŭnika banka. Surazmoŭca ŭpeŭniena nazvaŭ proźvišča, imia, imia pa baćku paciarpiełaha i paviedamiŭ pra paćvierdžańnie na jaho imia kredytu. Daviedaŭšysia, što jon źjaŭlajecca klijentam inšaha banka, ź lohkaściu «pieraklučyŭ» jaho sa svajho mabilnaha telefona na słužbu biaśpieki ŭstanovy-kankurenta.
U novym dyjałohu mužčynu paviedamili pra mnostva aformlenych na jaho rachunkaŭ, na jakija pastupiła zvyš 112 tysiač rubloŭ.
Zatym ź im źviazaŭsia «padpałkoŭnik z Frunzienskaha RUUS h. Minska». Iłžesupracoŭnik rastłumačyŭ, što žychar Homiela znachodzicca ŭ apieratyŭnaj raspracoŭcy z-za sumnieŭnych rachunkaŭ i nieruchomaści. Strohi surazmoŭca prapanavaŭ jamu dva varyjanty raźvićcia padziej: SIZA na čas razboru abo rolu prynady dla złovu machlaroŭ.
Mužčyna vybraŭ druhi varyjant.
Zatym rušyła čarada zvankoŭ ad inšych asob, nibyta ŭdzielnikaŭ śpiecapieracyi.
Paśla masiravanaj psichałahičnaj apracoŭki jon pahadziŭsia na nibyta fiktyŭny prodaž svajoj trochpakajovaj kvatery, piša SK.
Paciarpieły sustreŭsia z ryełtaram i pakupnikom, padpisaŭ damovu kupli-prodažu i źjechaŭ na zdymnuju kvateru. Atrymanyja ad prodažu hrošy — 95 tysiač rubloŭ, pieravioŭ na nazvanyja machlarami bankaŭskija rachunki.
Na hetym złamyśniki nie spynilisia i jašče doŭha telefanavali paciarpiełamu z roznymi dziŭnymi zadańniami, u tym liku — afarmleńnie mnostva sim-kart apierataraŭ sotavaj suviazi, adkryćcio rachunkaŭ u roznych bankach.
Kali mužčyna ŭśviadomiŭ, što staŭ achviaraj padmanu, źviarnuŭsia ŭ milicyju.
Zaviedziena kryminalnaja sprava pa č. 4 art. 209 (avałodańnie majomaściu šlacham padmanu, ździejśnienaje ŭ asabliva bujnym pamiery) Kryminalnaha kodeksa.
-
Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna
-
Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema
-
U Viciebsku try miesiacy šukali sieryjnaha lukakrada. Jaho zatrymali, ale luki praciahvajuć źnikać
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary