«Razmaŭlali pieršy raŭnd chvilin z 30 na maciernaj movie. Vyklučna». Łukašenka vykłaŭ svaju viersiju pieramoŭ z Pryhožynym
Na siońniašniaj sustrečy Łukašenka raskazaŭ svaju viersiju razmovy z Pryhožynym, u vyniku jakoj jamu nibyta ŭdałosia ŭhavaryć jaho spynić miaciež.
Pavodle viersii Łukašenki, źviazaŭ z Pryhožynym jaho rasijski hienierał, namieśnik ministra abarony Rasii Jaŭkuraŭ.
«U 11.00 jon imhnienna źniaŭ trubku. To-bok Jaŭkuraŭ jaho paklikaŭ, addaŭ jamu telefon: «Voś, prezident Biełarusi telefanuje, ci budzieš razmaŭlać?» — «Z Alaksandram Ryhoravičam budu». Ja čuju ich razmovu. Uziaŭ trubku.
Razmova — ejfaryja. U Jaŭhiena poŭnaja ejfaryja. Razmaŭlali pieršy raŭnd chvilin z 30 na maciernaj movie. Vyklučna. Słoŭ maciernych (ja potym užo praanalizavaŭ) było ŭ 10 razoŭ bolš, čym narmalnaj leksiki. Jon, viadoma, paprasiŭ prabačeńnia i pačaŭ mnie maciernymi słovami raskazvać».
«U takim padviešanym stanie» dyjałoh vioŭsia i dalej. Łukašenka nibyta zapeŭnivaŭ Pryhožyna, što ni Šajhu, ni Hierasimava jamu nie addaduć, Pucin nie toj čałaviek. I sam jon «z taboj nie toje što sustrakacca — pa telefonie razmaŭlać nie budzie ŭ siłu hetaj abstanoŭki». Pryhožyn, viadoma, nie pahadžaŭsia, havaryŭ pra spraviadlivaść i nastojvaŭ na nieabchodnaści iści na Maskvu. A Łukašenka pałochaŭ, što «na paŭdarozie ciabie prosta jak błychu razdušać». Ale Pryhožyn kazaŭ «nie» — «takaja voś ejfaryja».
Pavodle Łukašenki, jon doŭha tak pierakonvaŭ Pryhožyna, a ŭrešcie skazaŭ pra svaju bryhadu, «padrychtavanuju da pierakidańnia ŭ Maskvu». Maŭlaŭ, «my jak u 41-m, my budziem abaraniać Maskvu. Tamu što hetaja situacyja nie tolki ŭ Rasii».
«Heta i nie tolki tamu, što heta voś naša Ajčyna. A tamu što, nie daj boh, voś hetaja smuta pajšła b pa ŭsioj Rasii, a pieradumovy dla hetaha byli kałasalnyja, nastupnymi byli my», — nibyta tak skazaŭ Łukašenka Pryhožynu, i heta na jaho padziejničała.
«Cełaja bryhada hatovaja była». Łukašenka zajaviŭ, što byŭ hatovy pasłać vojski ŭ Rasiju dla padaŭleńnia miaciažu
«Ludzi nie razumiejuć, što i my prahmatyčna da hetaha padychodzim». Łukašenka patłumačyŭ, jak źbirajecca vykarystoŭvać «vahnieraŭcaŭ»
Łukašenka zajaviŭ, što połk Kalinoŭskaha źbiraŭsia iści na Biełaruś
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Špana podzabornaja.
Nahadajcie "historyku", jak u 41-m u Biełarusi abaranili Maskvu. Kinuŭšy bryhadu biez bajavoha dośviedu na zahartavanych najmitaŭ, było b prykładna toje samaje. Pryjšłosia b terminova pryznačać Chrenina na rolu hienierała Paŭłava i zamiest dzirki dla ordena zrabić dzirku ŭ čerapie.