Vyniesieny prysud Mikałaju Kazłovu i inšym členam Abjadnanaj hramadzianskaj partyi
Siońnia ŭ sudzie Pieršamajskaha rajona Minska vynieśli prysudy pa kryminalnaj spravie suprać troch lidaraŭ Abjadnanaj hramadzianskaj partyi — Aksany Alaksiejevaj, Mikałaja Kazłova i Antaniny Kavalovaj. Sudovy praces viała sudździa Anastasija Kulik, dziaržaŭnaje abvinavačvańnie padtrymlivała Ina Zubko, paviedamlaje «Viasna».
Palitviaźniaŭ abvinavacili va ŭdziele ŭ dziejańniach, jakija hruba parušajuć hramadski paradak, praz udzieł u «Maršy novaj Biełarusi» 23 žniŭnia 2020 hoda (art. 342 Kryminalnaha kodeksa).
Sudździa Anastasija Kulik pryznačyła palitviaźniam terminy, jakija 2 listapada zaprasiła prakuror Ina Zubko: Antaninie Kavalovaj — 1 hod kałonii, Aksanie Alaksiejevaj — 1,5 hoda kałonii, Mikałaju Kazłovu — 2,5 hady kałonii.
«Ja ŭpeŭnieny, što ja budu reabilitavany. Ja adsiadžu, ničoha strašnaha. Usie siadziać, i ja adsiadžu. I ja viedaju dakładna, što ja budu reabilitavany, što voś takija spravy buduć nahodaj sudovaha razhladu, ja ŭ hetym upeŭnieny. Tamu što ŭ lubym inšym vypadku heta budzie niespraviadliva, budzie niezakonna ni pavodle čałaviečych, ni pavodle božych zakonaŭ», — skazaŭ Mikałaj Kazłoŭ u apošnim słovie.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary