Dyrektarka Biełsata: Anžalicy Borys prapanoŭvali vyzvaleńnie ŭzamien na departacyju
Dyrektarka telekanału Biełsat Ahnieška Ramašeŭska-Huzy napisała ŭ svaim Facebook, što staršyni nieaficyjnaha Sajuza palakaŭ Biełarusi Anžalicy Borys prapanoŭvali vyzvaleńnie ŭzamien na vyjezd ź Biełarusi.
«Navakolnym šlacham ja atrymała niekatoruju infarmacyju pra toje, što Anžalicy Borys prapanoŭvali vyzvaleńnie ŭzamien na zhodu ab departacyi ź Biełarusi. Jana admoviłasia.
Vyhladaje, što anałahičnaja prapanova była zroblena i Andžeju Pačobutu, i adkaz byŭ identyčnym. Nibyta (ale ja mahu tut napisać tolki «nibyta») Irena Biarnackaja skazała ni «tak», ni «nie», a Maryja Ciškoŭskaja była hatovaja pahadzicca. Badaj, Hanna Panišava znachodzicca nie ŭ najlepšym fizičnym i psichičnym stanie», — napisała jana.
Nahadajem, što Borys, jak i aktyvisty nieaficyjnaha SPB Pačobut, Biarnackaja, Ciškoŭskaja i Panišava, źjaŭlajecca fihurantam spravy ab «raspalvańni nacyjanalnaj varožaści» i «reabilitacyi nacyzmu». Im pahražaje ad 5 da 12 hadoŭ pazbaŭleńnia voli.
Usie jany pryznanyja palitviaźniami.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary