5 krasavika ŭ Nacyjanalnym centry sučasnych mastactvaŭ (pr-t Niezaležnaści, 47) a 18-j adkryjecca vystava, pryśviečanaja 55-hodździu z dnia naradžeńnia Michała Aniempadystava.
«Koler Biełarusi» — zachaplalnaje padarožža ŭ Biełaruś praz historyju i sučasnaść koleraŭ. Heta adna ź pieršych sprobaŭ pradstavić biełaruskuju minuŭščynu i sučasnaść praź jaje jaskravyja kolery i adcieńni, pryrodnyja struktury, narodžanyja pad uździejańniem troch stychij.
Hetaja kniha stała apošniaj vialikaj pracaj vybitnaha dyzajniera, mastaka i paeta. Jana nie tolki adkryvaje novyja viedy pra kolery, ale i vučyć «dumać vačyma». «Na maju dumku, heta ŭsio možna čytać nievierbalna. Prosta razhladać hetyja karcinki na ŭzroŭni pačućciaŭ i asacyjacyj, upadabańniaŭ. Ci naadvarot, štości moža nie padabacca. Heta cikavy i patrebny zaniatak, jakim my redka zajmajemsia. My razvučylisia dumać vačyma …»- raspaviadaŭ Michał Aniempadystaŭ.
Na vystavie možna pabačyć vizualnuju častku hetaha daśledvańnia — abjekty, jakija źjaŭlajucca nośbitami ŭlubionych koleraŭ biełaruskaj kulturnaj tradycyi.
Michał Aniempadystaŭ — mastak, dyzajnier i paet. Jaho nie stała 24 studzienia 2018. Jahonyja vieršy, praśpiavanyja ŭ Narodnym albomie i «Novym niebam», stali narodnymi, ulubionymi.
Vystava budzie pracavać da 16 krasavika ad 11.00 da 19.00 štodnia, akramia paniadziełka.
Cana bileta:
poŭny — 5 rub.
ilhotny — 2 rub.
Daviedki pa numarach: (017) 235-03-31, 243-24-68.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary