Na ŭkrainskaj Rovienščynie miascovyja žychary błakavali KPP na miažy ź Biełaruśsiu
U Rovienskaj vobłaści na miažy ź Biełaruśsiu žychary siała Staroje Siało niekalkich hadzin pratestavali kala kantrolnaha pasta pamiežnikaŭ i palicyi, vykazvajučy niezadavolenaść pravierkami i mierapryjemstvami pa ŭmacavańni miažy, piša «Ukrainskaja praŭda».
Pra słovach pres-sakratara Dziaržaŭnaj pamiežnaj słužby Ukrainy Andreja Dziemčanki, u paniadziełak 3 lutaha žychary Staroha Siała Rovienskaj vobłaści na niekalki hadzin błakavali kantrolny post, na jakim niasuć słužbu vajskoŭcy DPSU i supracoŭniki Nacyjanalnaj palicyi.
Asnoŭnyja patrabavańni, jakija hučali ad hramadzian, — nie rabić pravierku transpartnych srodkaŭ i vajskova-ŭlikovych dakumientaŭ u mužčyn, prybrać kantrolny post, a taksama dazvolić bieśpieraškodna źbirać dzikarosłyja raśliny pobač ź dziaržaŭnaj miažoj, niahledziačy na vyznačanyja zakanadaŭstvam režymnyja abmiežavańni, jakija dziejničajuć u pamiežžy.
Pid kordonom iz Biłoruśsiu mieškanci Rivnienŝini protiestujuť proti błokposta, pierievirok ta ukripleńnia kordonu…
Vidieo – «Tvoje Rivnie» pic.twitter.com/ox1FZbE6f7
Dziemčanka adznačyŭ, što ź ludźmi pravodziłasia tłumačalnaja praca. Praź niekatory čas kantrolny post byŭ razbłakavany, a ruch pa darozie adnoŭleny.
«Udzielniki hetych dziejańniaŭ, vykazvajučy niezadavolenaść pravierkami i ŭmacavańniem miažy, adznačali, što mohuć paŭtorna błakavać darohu. Varta adznačyć, što takija dziejańni adbyvajucca nie ŭpieršyniu», — adznačyŭ vajskovy čynoŭnik.
Homielskaja terabarona i jehiery «adbivali» napad desantnikaŭ z susiedniaj krainy i padarvali pabudovu
Aleksijevič: Ja nie dumaju, što jość choć adzin čałaviek, jaki sapraŭdy razumieje, što adbyvajecca va Ukrainie
Taksi na vajnu. Jak šmatdzietnaja biełaruska pierahaniaje mašyny na front va Ukrainu
Biełaruskija dobraachvotniki pastavili na ŭkrainska-biełaruskaj miažy «pieradvybarčy» biłbord FOTY
A moža, usio ž varta, kab Łukašenka ŭdzielničaŭ u pieramovach pa Ukrainie?
Kamientary