Vokny — na ŭzroŭni ziamli. Voś takaja jana, samaja tannaja kvatera Minska
Ciapier samaje tannaje žytło možna znajści na vulicy Ščarbakova, u stalincy 1953 hoda, piša Onliner.by.
Kvatera znachodzicca na nizkim pieršym paviersie (uładalnik nazyvaje jaho «paŭcokalnym»), tamu vokny raźmiaščajucca pryblizna na ŭzroŭni ziamli. Mahčyma, kahości heta moža źbiantežyć.
Płošča adnapakajoŭki — 34,4 kv. m. Vyšynia stolaŭ — 3,5 m. Ramont nielha nazvać novym i sučasnym, ale vyhladaje całkam prystojna: nijakich abadranych špaleraŭ, staroj daščanaj padłohi ci pabitaj plitki. Uvohule, žyć možna. A pry žadańni navat možna pieratvaryć u kamiercyjny abjekt.
A voś jak uładalnik apisvaje infrastrukturu:
«Niepadalok tramvajnyja puci i stancyja mietro, 700 mietraŭ da Partyzanskaha praśpiekta. Pobač jość usio nieabchodnaje: apteki, banki, škoły, kramy, paliklinika i h.d. U 5 chvilinach chady — Antonaŭski park i kanał Ślapianskaj vodnaj sistemy».
Kaštuje takoje žyllo $44 700 pa kursie.
Kamientary