U Mahilovie kasirka vyklikała milicyju na pradaŭca valuty, bo dalary nie šamacieli
Mahiloviec zdaŭ u abmieńnik dla abmienu čatyry kupiury pa 100 dalaraŭ. Pilny bankaŭski rabotnik nie adčuŭ, kab jany šamacieli, zapadozryŭ niadobraje i vyklikaŭ milicyju.
Klijent banka rastłumačyŭ, što hetymi kupiurami ź im raźličylisia za pracu, i jon byŭ peŭny, što hrošy niefalšyvyja. Dla vyrašeńnia pytańnia ab sapraŭdnaści «sumnieŭnych» hrašovych biletaŭ ich nakiravali ŭ Mahiloŭski mižrajonny adździeł Dziaržaŭnaha kamiteta sudovych ekśpiertyz.
Pa vynikach praviedzienaha daśledavańnia ekśpiert pryjšoŭ da vysnovy, što čatyry kupiury vyrablenyja pradpryjemstvami, jakija ažyćciaŭlajuć vytvorčaść pradukcyi hetaha vidu, — inšymi słovami, jany sapraŭdnyja.
A što nie šamaciać, dyk ekśpierty tłumačać, što z-za ŭmoŭ zachoŭvańnia i praciahłaha vykarystańnia papiera hrašovych biletaŭ moža mianiać svaje ŭłaścivaści, i heta moža ŭvodzić hramadzian u zman. Tady treba źviarnucca da ekśpiertaŭ.
«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach8
Kamientary