Pra pryniataje rašeńnie ab zapavoleńni jeŭraintehracyi da 2028 hoda abviaściŭ premjer-ministr Hruzii Iraklij Kabachidze, paviedamlaje telekanał Mtavari.
«Siońnia my pryniali rašeńnie nie stavić pytańnie ab adkryćci pieramoŭ ź Jeŭrasajuzam na paradak dnia da kanca 2028 hoda […] Akramia taho, da kanca 2028 hoda my admaŭlajemsia ad lubych biudžetnych hrantaŭ Jeŭrasajuza», — zajaviŭ Kabachidze.
Jon nazvaŭ abmierkavańnie pieramoŭ ź ES «instrumientam dla cisku i raskołu hramadstva».
Varta adznačyć, što jašče ŭ lipieni pasoł ES u Hruzii Pavieł Hierčynski zajaviŭ, što sam Jeŭrasajuz prypyniŭ praces dałučeńnia Hruzii da błoku. Pryčynaj hetaha nazvali pryniaćcie zakona «Ab prazrystaści zamiežnaha ŭpłyvu», jaki vyklikaŭ pratesty ŭ krainie.
26 kastryčnika ŭ Hruzii prajšli vybary ŭ parłamient. CVK krainy abviaściŭ, što na ich pieramahła kiroŭnaja partyja «Hruzinskaja mara», pradstaŭnikom jakoj u tym liku vystupaje Iraklij Kabachidze.
Apazicyjnyja partyi zajavili pra falsifikacyi i admovilisia pryznać vyniki vybaraŭ. Paśla hetaha ŭ krainie prajšła sieryja mitynhaŭ. Pratestoŭcaŭ siarod inšych padtrymlivaje prezidentka krainy Sałamie Zurabišvili.
Siońnia, 28 listapada, Jeŭraparłamient svaim rašeńniem taksama nie pryznaŭ vyniki kastryčnickich vybaraŭ u Hruzii i zaklikaŭ pravieści novyja pad mižnarodnym nahladam. Akramia taho, jon zaklikaje ŭvieści piersanalnyja sankcyi za «adstupleńnie ad demakratyi» suprać premjer-ministr Iraklija Kabachidze, mera Tbilisi i hienieralnaha sakratara partyi «Hruzinskaja mara» Kachi Kaładze, śpikiera parłamienta Šałvy Papuašvili i byłoha premjer-ministra dy aliharcha Bidziny Ivanišvili.
Rezalucyja Jeŭraparłamienta była pryniataja 444 hałasami suprać 72-ch. 82 deputaty ŭstrymalisia.
Niahledziačy na ŭnutranyja i źniešnija pratesty, deputaty kiroŭnaj partyi «Hruzinskaja mara» siońnia adnahałosna 84 hałasami vykazali davier uradu na čale z premjeram Iraklijem Kabachidze. Apazicyja, jakaja nie pryznaje vyniki parłamienckich vybaraŭ i lehitymnaść parłamienta, u hałasavańni nie ŭdzielničała.
Kandydatam u prezidenty Hruzii ad kiroŭnaj partyi staŭ były futbalist
Prezidenckija vybary ŭ Hruzii pryznačyli na 14 śniežnia, jany projduć pa novaj sistemie
U Tbilisi apazicyja pierakryła Płošču Hierojaŭ da 22:00
Hruzinskaja palicyja razahnała akcyju pratestu apazicyi i źniesła namiotavy haradok
Kiraŭnika CVK Hruzii na zaklučnym pasiadžeńni ablili farbaj
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie12
Kamientary