Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia
Amal pałova ŭkraincaŭ hatovaja da pieramovaŭ z Rasijaj, ale bolšaść ź ich nie hatovaja pryniać rasijskija ŭmovy. Žychary ŭschodnich rehijonaŭ mienš hatovyja da pieramovaŭ, čym žychary zachadu i centra Ukrainy.
Pavodle źviestak apytańnia Centra Razumkova, praviedzienaha ŭ kancy červienia na zamovu vydańnia ZN.UA, kala 44% ukraincaŭ hatovyja na mirnyja pieramovy z Rasijaj, 35% — suprać.
Vydańnie adznačaje, što vyniki apytańnia mocna adroźnivajucca pa rehijonach Ukrainy.
Naprykład, u centralnaj častcy krainy zhodnyja pačać pieramovy z Rasijaj amal pałova apytanych (49%), a na Zachadzie — tolki tracina (35%), na poŭdni krainy 60% ličać, što čas pieramovaŭ pryjšoŭ — na 16% vyšej, čym u siarednim pa krainie.
Što da ŭschodu, jaki rasiejcy kožny dzień atakujuć rakietami, to tam tolki 33% žycharoŭ hatovyja da pieramovaŭ. Suprać pieramovaŭ vystupajuć 34% ukraincaŭ z uschodu krainy. Nie vyznačylisia na hety kont 32% apytanych.
Bolšaść ukraincaŭ nie zhodnyja z umovami pieramirja, vyłučanymi niadaŭna rasijskim prezidentam Uładzimiram Pucinym.
Naprykład, 83% apytanych nie ličać mahčymym addać Rasii čatyry častkova zachoplenyja vobłaści, na jakija jana pretenduje — Danieckuju, Łuhanskuju, Chiersonskuju i Zaparožskuju.
77% nie ličać mahčymym poŭnuju admienu zachodnich sankcyj suprać Rasii.
58% nie hatovyja pahadzicca z zamacavańniem niejtralnaha, pazabłokavaha i biazjadziernaha statusu Ukrainy ŭ Kanstytucyi.
Pałova ŭkraincaŭ (51%) nastojvaje na vyzvaleńni Ukrainy ad rasijskich vojskaŭ u miežach 1991 hoda, 26% hatovyja spynić vajnu na linii raźmiežavańnia na pačatak 2022 hoda i tolki 9% hatovyja pryznać miažu pa linii frontu na momant zaklučeńnia pahadnieńnia.
Dźvie traciny apytanych (66%) ličać, što Rasiju možna pieramahčy na poli boju. 82% ličać, što pieramoha dasiahalnaja, kali Zachad pastavić Ukrainie dastatkova zbroi, 76% miarkujuć, što dla hetaha patrebien ułasny mahutny VPK i naviadzieńnie paradku z mabilizacyjaj.
Pry hetym 46% ukraincaŭ ličać, što niama ničoha haniebnaha ŭ tym, kab być uchilistam, i tolki 29% prytrymlivajucca supraćlehłaha mierkavańnia.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary
čamuści heta infa prajšła niby pa-za ŭvahaj čytačoŭ..ačoŭ