Na fakultetach BDU stvaryli kamisii, jakija ŭziali pad kantrol kadravyja pytańni
Byłaja dacentka BDU, historyk i palitołah Roza Turarbiekava ŭ svaim telehram-kanale padzialiłasia infarmacyjaj, jak u sučasnych umovach źmianiłasia sistema vyrašeńnia kadravych pytańniaŭ u Biełaruskim dziaržaŭnym univiersitecie. Pa jaje źviestkach, na kožnym fakultecie ciapier zasnavali śpiecyjalnuju kamisiju, jakaja vyrašaje, zaklučać z supracoŭnikam kantrakt ci nie.
«Kali raniej pytańnie ab pryjomie na pracu vyrašałasia praz umoŭny konkurs, abmierkavańnie vynikaŭ pracy na pasiadžeńni kafiedry, dalej vučonym savietam fakulteta i ŭniviersiteta, to ciapier stvorana śpiecyjalnaja kamisija, kudy ŭvachodziać dekan, namieśnik dekana pa ideałahičnaj i vychavaŭčaj rabocie i inš.», — piša Roza Turarbiekava.
Na jaje dumku, stvareńnie takich kamisij možna ličyć «instytucyjanalizacyjaj represij», bo ich funkcyja — pravierka łajalnaści supracoŭnikam ułady. Samo ž ich isnavańnie — «uvasableńnie «kruhavoj paruki», «danośnictva» i inšych miarzotaŭ».
«Mała taho, što BDU pad kantrolem i kadravaja palityka ŭ rukach rektara pa biaśpiecy (aficera KDB). Mała ŭsialakich «smotriaŝich» na kožnym fakultecie. Mała taho, što zahadčyki kafiedry ciapier pazbaŭlenyja ŭsiakaj mahčymaści prymać na pracu śpiecyjalistaŭ. Ciapier stvaryli śpiecyjalnuju kamisiju», — kanstatuje Turarbiekava, ličačy heta vynachodnictvam režymu Łukašenki.
Paćviardžeńnie isnavańnia takich kamisij na fakultetach BDU «Naša Niva» atrymała i ź inšych krynic.
Aficyjna jany nazyvajucca atestacyjnymi kamisijami i, adpaviedna naźvie, aprača vyrašeńnia pytańniaŭ ab pryjomie na pracu novych supracoŭnikaŭ zajmajucca i atestacyjaj užo najaŭnych. Prytym samastojnaści navat u miežach fakulteta hetyja kamisii nie majuć, pakolki ŭ ich pasiadžeńniach, pa našych źviestkach, zvyčajna biaruć udzieł prarektar BDU i pradstaŭniki Upraŭleńnia pa rabocie ź piersanałam univiersiteta.
Čytajcie taksama:
Minadukacyi vypuścić novy padručnik pa fiłasofii, choć i stary «jakasna padrychtavany»
U 10-ch kłasach historyju Biełarusi abjadnajuć z suśvietnaj historyjaj u adzin kurs
«U hateli staić achova tolki z-za taho, što ty biełaj rasy». Jak biełarus pracavaŭ u Vjetnamie, Zimbabve i Filipinach3
Kamientary