Biełaruś i Rasija chočuć abjadnać svaje śpisy «ekstremistaŭ» i «ekstremisckich resursaŭ»
Heta značyć nahodaŭ dla pieraśledu biełarusaŭ z boku siłavikoŭ stanie bolš.
Pasoł Biełarusi ŭ Rasii Dźmitryj Kruty paviedamiŭ, što ideja abjadnańnia rasijskich i biełaruskich «ekstremistaŭ» i «ekstremisckich resursaŭ» nie adzin raz abmiarkoŭvałasia na ŭzroŭni ministraŭ unutranych spraŭ Biełarusi i Rasii.
«U hramadzian vyklikaje ździŭleńnie, kali častka resursaŭ, pryznanych ekstremisckimi, dapuścim, u Rasii, niejkija paviedamleńni publikujuć u nas, ci naadvarot — tyja, jakija pryznanyja ekstremisckimi ŭ nas, publikujuć paviedamleńni ŭ Rasii. I ŭ dačynieńni da hetych struktur abo ludziej, jakija, dapuścim źbiehli ŭ Rasiju, nie ŭzbudžajucca kryminalnyja spravy ŭ Rasijskaj Fiederacyi abo naadvarot», — kanstatavaŭ Dźmitryj Kruty.
«Viadoma, tut patrebna vialikaja kaardynavanaść siłavych viedamstvaŭ. Dumaju, što ŭ najbližejšy čas heta budzie vyrašana», — dadaŭ pasoł.
Heta značyć, što nahodaŭ dla pieraśledu ŭ siłavikoŭ stanie bolš. Naprykład, Viarchoŭny sud Rasii abjaviŭ «ruch ŁHBT» ekstremisckaj arhanizacyjaj i zabaraniŭ dziejnaść «ruchu» na terytoryi krainy. Taksama maskoŭski sud pryznaŭ amierykanskuju Meta, jakaja vałodaje Facebook, Instagram i WhatsApp, ekstremisckaj arhanizacyjaj.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary