U Biełarusi pradajecca Jetta VA3, ale heta nie VW i nie VAZ. Kolki kaštuje?
Na av.by u prodažy źjaviŭsia aŭtamabil marki Jetta. Za novy siedan sa znajomaj kožnamu biełaruskamu aŭtaamataru nazvaj prosiać 18 tysiač dalaraŭ. Što saboj ujaŭlaje kitajski rymejk papularnaj madeli VW?
Nie madel, a asobnaja marka
Aŭtamabilistam słova «Jetta» znajomaje daŭno, bo VW vypuskaje madel pad takoj nazvaj, pačynajučy z 1979 hoda. Ale aŭtamabil, pra jaki idzie havorka, maje mała ahulnaha z VW Jetta, pakolki ŭ dadzienym vypadku Jetta heta nie nazva madeli, a asobnaja marka aŭto.
Novy kitajski aŭtamabilny brend byŭ stvorany kancernam Volkswagen razam sa svaim partnioram pa sumiesnym pradpryjemstvie FAW Group u 2019 hodzie.
Napeŭna, kali b nie vajna i sankcyi, biełaruskija aŭtaamatary mahli b i dalej ničoha nie viedać pra isnavańnie takich aŭto. Ale realnaść pakazvaje inšaje: dola kitajskich marak siarod novych lehkavych aŭtamabilaŭ u prodažy pieravyšaje 80%.
Aŭtamabil marki Jetta maje pad kapotam bienzinavy ruchavik abjomam 1,5 litra, pracuje jon u pary z aŭtamatyčnaj karobkaj pieradač.
Polo Sedan viartajecca?
Technična hety aŭtamabil ničoha ahulnaha ź siedanam VW Jetta asabliva nie maje. Madel VA3 pabudavanaja na toj samaj bazie, što i VW Polo sedan, jaki raniej vypuskali ŭ tym liku na zavodzie VW u Rasii. U svoj čas Polo sedan zajmaŭ pieršyja radki ŭ prodažach novych aŭto ŭ Biełarusi.
Źniešniaje padabienstva VW Polo sedan z Jetta VA3 lepš za ŭsio bačna, kali hladzieć na aŭtamabil zboku. Piaredniaja častka bolš padobnaja da sučasnaha VW Polo, a voś z tyłu aŭtamabil, možna skazać, vyhladaje ŭnikalna.
Ahulnyja rysy taksama prahladajucca ŭ interjery aŭtamabila.
Novy biestsieler?
Ci atrymajecca ŭ Jetta VA3 paŭtaryć pośpiech VW Polo sedan, kopijaj jakoha źjaŭlajecca hety aŭtamabil — vialikaje pytańnie. Z adnaho boku, heta davoli prosty aŭtamabil, jaki dobra siabie zarekamiendavaŭ, choć i ŭ kitajskaj škury, a ź inšaha — davoli staraja madel. Aproč hetaha, kitajcy miescami spraścili i biez taho prostuju madel, jakaja pradavałasia tolki ŭ krainach treciaha śvietu (VW Polo sedan nie pradavaŭsia ŭ Jeŭropie). U Jetta VA3, naprykład, nielha adkinuć zadni rad kresłaŭ, kab pavialičyć abjom bahažnaha adsieka.
U toj ža čas 18 tysiač dalaraŭ za novy aŭtamabil na aŭtamacie ŭ sučasnych umovach nie tak užo i šmat. Prykładna stolki kaštuje Geely Emgrand z AKPP.
Na momant źjaŭleńnia na rynku Kitaja ŭ 2019 hodzie Jetta VA3 pradavalisia pa cenach ad 11 300 da 15 100 dalaraŭ.
Čytajcie taksama:
«Pradajecca tolki na RF». Jak u Biełarusi źjaŭlajucca aŭtamabili ź Jeŭropy, jakija nielha nabyć miascovym
VW upieršyniu pakazaŭ novy Transporter. Fanaty marki mohuć być rasčaravanyja, bo heta budzie nie zusim Volkswagen
«U hateli staić achova tolki z-za taho, što ty biełaj rasy». Jak biełarus pracavaŭ u Vjetnamie, Zimbabve i Filipinach7
Kamientary
Kstati, nikto nie znajet, nie ponimajet, hdie budut pokupať zapčasti čieriez 5 let. Kitajcy nie zamoračivajutsia, śnimaja s proizvodstva viedro ili diełaja novuju viersiju, priekraŝajut vypusk zapčastiej, vied́ na konviejerie oni nie nužny, tiem boleje, čto viodra vypuskajutsia isklučitielno pod rynok skriepostana.
No eto budiet potom......