«Jość novyja abstaviny». MUS Litvy prapanuje viarnucca da pytańnia ŭnifikacyi sankcyj u adnosinach da biełarusaŭ i rasiejcaŭ
Pakolki Departamient dziaržaŭnaj biaśpieki Litvy bačyć pahrozy, jakija zychodziać ad Biełarusi, ministr unutranych spraŭ Ahne Biłatajcie prapanoŭvaje viarnucca da abmierkavańnia ŭnifikacyi sankcyj suprać rasiejcaŭ i biełarusaŭ.
«Liču, što varta viarnucca da hetych dyskusij i jašče raz pahavaryć z parłamientaryjami, tamu što jość novyja abstaviny, jakija nieabchodna acanić», — skazała Biłatajcie na pres-kanfierencyi, pieradaje Delfi.
«Hetyja dyskusii praciahvajucca, asabliva paśla taho, jak Departamient dziaržaŭnaj biaśpieki publična pradstaviŭ hramadskaści svaje arhumienty, pakazvajučy realnyja pahrozy», — skazała jana.
Biłatajcie śćviardžaje, što Ministerstva ŭnutranych spraŭ i raniej padtrymlivała prymianieńnie hetych mier.
Uviesnu Siejm uvioŭ nacyjanalnyja sankcyi suprać hramadzian Rasiei i Biełarusi. Zakonaprajekt ab abmiežavalnych mierach z-za vajennaj ahresii suprać Ukrainy zrabiŭ bolš žorstkim paradak pradastaŭleńnia pastajannaha abo časovaha dazvołu na žycharstva, vydačy viz dla hramadzian Rasii, zabaraniŭ im pieramiaščeńnie praź źniešniuju miažu Jeŭrapiejskaha sajuza, a taksama ŭvioŭ abmiežavańni na nabyćcio majomaści.
Prezident Hitanas Naŭsieda nakłaŭ vieta na hety zakon. Jon kazaŭ, što parłamient pavinien zaniać adzinuju pazicyju i ŭnifikavać abmiežavańni jak da rasiejcaŭ, tak i da biełarusaŭ.
Adnak Siejm, u tym liku praz łabisckuju dziejnaść biełaruskaj apazicyi, adchiliŭ vieta Naŭsiedy.
Ciapier heta pytańnie paŭstaje znoŭ.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh9
Kamientary
Voch. Da ŭžo začynici vy hetych strašnych biełarusaŭ u ich kletcy, a CIchanoŭskuju ź inšymi ŭ Zimbabvie