Mierkavańni66

«Kinžał» akazaŭsia blefam. Heta budzie mieć vialikija nastupstvy

Pra najaŭnaść u Rasii hipierhukavoj zbroi Pucin piedantyčna paŭtaraje ad pačatku 2018 hoda. Tady na pasłańni Fiederalnamu schodu jon prademanstravaŭ uzory «ŭzbrajeńnia novaha pakaleńnia», jakija nanosili ŭdary pa konturach mapy, jakija pryhadvali ZŠA, piša Raman Baženaŭ.

Skrynšot «Kinžała». Videa: jutub-kanał Ministerstva abarony RF

Novuju razrekłamavanuju zbroju Rasija vykarystoŭvała najpierš u zamiežnapalityčnych, ci, jak lubiać vykazvacca ŭ Kramli, «hieapalityčnych» metach.

Raźlik hruntavaŭsia na tym, što Maskva atrymała toje, čaho nikoli nie mieŭ SSSR, — technałahičnuju pieravahu nad Zachadam u vobłaści stratehičnych uzbrajeńniaŭ. 

Rasijanie vyrašyli, što stali nieparažalnymi dla svaich imaviernych supiernikaŭ i ciapier možna prystupić da pierahladu jeŭrapiejskich miež i razbureńnia sistemy mižnarodnych adnosin u Jeŭropie.

U peŭnym sensie i trahičnyja padziei ŭ Biełarusi paśla 2020 hoda, i poŭnamaštabnaje ŭvarvańnie va Ukrainu ŭ 2022-m stali nastupstvam «źjaŭleńnia» ŭ Rasii zbroi novaha pakaleńnia. «Tut naš hieapalityčny areał, my budziem tut rabić, što zachočam, kali vy chočacie da jaho dakranucca, to spačatku pahladzicie na našy rakiety», — prykładna tak arhumientavali stan spravy rasijskija dypłamaty, śpiecsłužbisty i ekśpierty. 

Adnak źbityja nad ukrainskim niebam «Kinžały» vyjavili toje, ab čym daŭno zdahadvalisia śpiecyjalisty, — rasijskaja zbroja novaha pakaleńnia źjaŭlajecca blefam.

Mahčyma, rasijanie blefavali tak, jak i hitleraŭcy, kali pastupova zachoplivali Jeŭropu ŭ 1936—1940 hadach. 

A mahčyma, što prosta dziela dziaržaŭnaha abaronnaha finansavańnia łabisty kanstruktarskich biuro dakładvali kiraŭnictvu ab praryŭnych raspracoŭkach, jakija daduć Maskvie tak žadanuju pieravahu nad Vašynhtonam. Vajavać ža jany i nie dumali, jany ž nie varjaty. Pra karupcyju kažuć naviny ab aryštach maskoŭskich vučonych-aeradynamikaŭ, jakija mieli dačynieńnie da raspracoŭki «Kinžałaŭ».

Ciapier, kali «Kinžał» akazaŭsia vidavočnym blefam, što ž budzie dalej?

Zrobim zdahadku, što palityka Rasii nie źmienicca. Maskva narabiła biady Jeŭropie, i ciapier budučynia kramloŭskaha režymu zaležyć ad vynikaŭ supraćstajańnia z Zachadam.

Da taho ž Rasija žyvie na iniercyi, jana nie ŭmieje prystasoŭvacca da mienš pryjemnych dla jaje realij. Kanflikty ź jaje jeŭrapiejskimi susiedziami jakraz heta ilustrujuć: nie ad Zachadu, jaki znachodzicca ŭ demahrafičnym spadzie, zychodziać pahrozy Rasii, ale ad Poŭdnia i Dalokaha Uschodu. Adnak pierabudavać svaju palityku rasijanie tak i nie zmahli.

Tamu na padzieńni «Kinžała» historyja nie zakančvajecca.

Kamientary6

  • Bajun
    24.05.2023
    Hajun, tak. Jašče adziny hitler taksama čakaje hetaha.
  • Vasia
    24.05.2023
    [Red. vydalena]
  • Zachar
    24.05.2023
    V dueli Petrmot --Kinžał
    Pobiedił Kinžał
    Etomu jesť dokumientalnoje dokazatielstvo
    Ostalnoje vłažnyje fantazii,
    osnovannyje na hadanii na oskołkach
    bietonnoj rakiety.

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie12

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Usie naviny →
Usie naviny

Machlary padrabili hałasavoje paviedamleńnie ad načalnika biełaruski i padmanuli jaje na 1500 rubloŭ

Milicyja raskazała, što siońnia zdaryłasia na stancyi mietro «Kupałaŭskaja»3

U Minsku paŭtarahadovy chłopčyk adčyniŭ akno i vypaŭ z 15-ha paviercha5

Na Alascy źnik samalot z 10 čałaviekami na borcie

Rasijanie stali nabyvać tury ŭ Biełaruś u try razy čaściej, čym letaś1

Kanał u Arhiencinie afarbavaŭsia ŭ tryvožna-čyrvony koler FOTAFAKT3

U Brusieli čaćvierty raz za tydzień adbyłasia stralanina, jość zahinuły1

Pavodle novaha zakona, niebiaśpiečnym sabakam moža być pryznany navat špic12

Hiermanija padazraje Rasiju ŭ šerahu dyviersij z aŭto pa ŭsioj krainie8

bolš čytanych navin
bolš łajkanych navin

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie12

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Hałoŭnaje
Usie naviny →

Zaŭvaha:

 

 

 

 

Zakryć Paviedamić