Ramy vašych voknaŭ pažoŭkli? Skarystajciesia hetym receptam
Novyja akonnyja ramy zvyčajna biełaśniežnyja, ale z časam jany žoŭknuć. Ëść sposaby efiektyŭna ich pačyścić.
Padčas myćcia voknaŭ časam zabyvaješ pra ramy, i ŭ vyniku jany mohuć z-za brudu źmianić svoj koler. Na samaj spravie myć akonnyja ramy treba tady ž, kali i šyby. Ale ž navat kali ramy pažaŭcieli ad brudu, ich možna pačyścić.
Kali vy zaŭvažyli na ramach nievialikaje zabrudžvańnie, skarystajciesia pierš za ŭsio rastvoram chatniaha pryhatavańnia. Dla jaho vam spatrebicca 90 mililitraŭ vocatu, 120 mililitraŭ vady i 30 mililitraŭ limonnaha soku. Źmiašajcie ŭsie inhredyjenty, pieralicie ŭ pulvieryzatar i raspylicie na ramy. Praź niekalki chvilin pratrycie ŭsio vilhotnaj anučaj.
U vypadku, kali niamytyja akonnyja ramy pažaŭcieli, skarystajciesia charčovaj sodaj. Źmiašajcie stakan sody i krychu vady i naniasicie hetuju sumieś na ramy. Paśla hetaha vaźmicie čystuju anuču ci hubku i pratrycie ramy. Charčovaja soda daje rady žoŭtym plamam, tamu efiekt pavinien vam spadabacca.
Kali vy čyścicie akonnyja ramy, budźcie aściarožnyja z mocnymi srodkami dla myćcia, jakija mohuć paškodzić pavierchniu ram. Vokny z PVCH davoli dalikatnyja, i ich treba hramatna dahladać. Dla hetych typaŭ voknaŭ i ram nielha vykarystoŭvać pradukty na bazie acetonu ci chłoru.
Kamientary