«Mnie važna zastavacca ŭ Biełarusi». Stała viadoma, kudy ŭładkavaŭsia vykładčyk-fiłosaf, jaki zvolniŭsia z BDU paśla vybaraŭ
Pavieł Barkoŭski zvolniŭsia z fakulteta fiłasofii i sacyjalnych navuk BDU ŭ vieraśni 2020 hoda, nie hatovy mirycca ź ciskam na vykładčykaŭ z palityčnych matyvaŭ. «Našaj Nivie» stała viadoma, što ciapier viadomy fiłosaf uładkavaŭsia kapirajtaram u adnu z IT-kampanij.
Pavieł raspavioŭ, što paśla straty miesca na kafiedry z hałavoj syšoŭ u arhanizacyju fiestyvalu intelektualnaj knihi Pradmova. Taksama paśpieŭ prajści miesiačnuju stažyroŭku ŭ Vienie. Mieŭ mahčymaść i dalej praciahvać fiłasofskuju spravu za miažoj — naprykład, pajści na prahramu daktarantury ŭ adnym ź jeŭrapiejskich univiersitetaŭ, ale pryncypova vyrašyŭ praciahvać pracu ŭ Biełarusi.
«Mnie jak hramadzianinu važna zastavacca tut, brać udzieł u padziejach, jakija adbyvajucca ŭ našaj krainie», — kamientuje jon.
Takuju mahčymaść jon atrymaŭ paśla zaprašeńnia na pazicyju kapirajtara ŭ IT-kampaniju praz dva miesiacy zvalnieńnia z BDU. U jaho abaviazki ŭvachodzić napisańnie imidžavych tekstaŭ. Paśla navukovych prac heta akazałasia całkam pasilnym, inakš Pavieł nie spraviŭsia b z vyprabavalnym terminam.
Barkoŭski adznačaje, što na novym miescy jamu padabajecca indyvidualny padychod da supracoŭnikaŭ, uvaha da ich, svabodny hrafik, a taksama bolšy zarobak. Pry hetym zusim zaviazvać z vykładčyckaj dziejnaściu Pavieł nie płanuje: naprykład, jon praciahvaje čytać anłajn-kurs pa praktyčnaj fiłasofii ŭ Biełaruskim kalehiumie.
Čytajcie taksama:
«Biełarusy staviacca da pratestu jak da pracy» — vialikaja hutarka sa zvolnienym fiłosafam Paŭłam Barkoŭskim
«U hateli staić achova tolki z-za taho, što ty biełaj rasy». Jak biełarus pracavaŭ u Vjetnamie, Zimbabve i Filipinach3
Kamientary