Пераскочыў праз сядзенні і пачаў біць па твары. Мінчук учыніў сапраўдны дэбош у кінатэатры
Мужчына прыйшоў паглядзець кіно пад градусам і не зусім адэкватна адрэагаваў на заўвагу.
Познім вечарам 25-гадовы мінчук з дзяўчынай і братам вырашыў паглядзець фільм у кінатэатры Skyline на Бабруйскай. Падпіўшы, мужчына паводзіў сябе вельмі шумна, адзін з наведвальнікаў зрабіў яму заўвагу.
Завязалася спачатку слоўная перапалка. Абурыўшыся на дрэнныя паводзіны свайго хлопца, дзяўчына пайшла з залы. Мінчанін жа застаўся, толькі замест прагляду кіно ён працягваў сварыцца з чалавекам, які зрабіў яму заўвагу — ён увесь час паварочваўся ў бок мужчыны і прапаноўваў яму «разабрацца», пішуць «Мінск-Навіны».
Адміністратары ў выніку запатрабавалі, каб скандаліст пакінуў залу, і паабяцалі выклікаць міліцыю. Мужчына накіраваўся да выхаду, кінуўшы пры гэтым пластыкавую бутэльку з-пад напою ў свайго «крыўдзіцеля». Пасля ён пераскочыў праз сядзенні і, выказваючы розныя пагрозы, двойчы ўдарыў мужчыну кулаком па твары, хапаў яго за адзенне, парваў фліску.
Пацярпелы спрабаваў закрыцца рукамі ад удараў і ў выніку атрымаў пералом шыйкі пясцевай косці правай кісці са зрушэннем. Яму прыйшлося перанесці чатыры аперацыі.
На дэбашыра завялі крымінальную справу аб злосным хуліганстве. Віну ён прызнаў часткова, перад пацярпелым выбачыўся і кампенсаваў яму кошт сапсаванай фліскі. Суд прызначыў мінчаніну два гады «хіміі» з накіраваннем, ён таксама павінен выплаціць 8 тысяч рублёў кампенсацыі маральнай шкоды.
Каментары
Все саугасники Минска говорили на трасянке, и стеснялись мовы. Даже бабушки и дедушки из деревни, конкретно, Гроднеснкая и Брестская область. Остальное про людей "труда", точивших 10 лет одну деталь в ожидании бесплатной квартиры, объяснять бесполезно. Выгляните в окно, или съездите на экскурсию в Шабаны. Про пьянство и невежество в деревне в вышеупомянутых областях, где на 40 домов был 1 хозяин, а остальные раком с лопатой по полю ползали, вообще молчу.