Tvarožnaja zapiakanka ź jabłykami — recept
8.02.2025 / 8:49
U hetym recepcie zamiest muki vykarystoŭvajecca manka, što robić zapiakanku bolš lohkaj, dalikatnaj, pyšnaj i ziarnistaj. Niama lepšaha śniadanku!
Fota: zapekaj.com/pl
Kab pryhatavać tvarožnuju zapiakanku ź jabłykami, spatrebicca:
- miakki tvaroh — 1 pačak
- jabłyki — 2 št.
- jajka — 1 št.
- cukar — 2 st. ł.
- małako — ¼ šklanki
- mannyja krupy — 2 st. ł.
- masła — 10 h
- sol — drobka
Jak hatavać:
- Raźbicie jajka ŭ hłybokuju misku, dadajcie sol i cukar, uźbicie videlcam da źjaŭleńnia pyšnaj śvietłaj masy. Ulicie małako, usypcie manku, pieramiašajcie i pakińcie manku nabryńvać.
- Pratrycie tvaroh cieraź mietaličnaje sita i dadajcie ŭ misku.
- Vymyjcie jabłyki, vytrycie nasucha, abiarycie ad łupiny, razrežcie napałovu i vydalicie siaredzinu. Narežcie maleńkimi kavałačkami i dadajcie ŭ sumieś. Staranna raźmiašajcie.
- Vyšmarujcie formu (abo niekalki maleńkich formačak) kavałačkam masła. Kali masła zastałosia, možna pakłaści jaho źvierchu pierad vypiakańniem. Pasypcie formu mankaj.
- Pierakładzicie ciesta ŭ padrychtavanuju formu i vypiakajcie ŭ razahretaj duchoŭcy kala 30 chvilin.
- Jak tolki pa chacie pačnie raznosicca apietytny vodar, a vierch i baki zapiakanki stanuć załacistymi, čas dastavać stravu z duchoŭki. Možna padavać sa śmiatanaj. U jakaści napojaŭ vydatna buduć pasavać kakava, čaj, kava abo sok.