45-hadovuju minčanku asudzili pa troch palityčnych artykułach. Voś u čym jaje vinavacili
6.02.2025 / 9:0
Alenie Marozavaj pahražała da 12 hadoŭ źniavoleńnia. Jaje asoba stała viadomaja tolki ciapier, choć sud prajšoŭ jašče minułaj vosieńniu.
Alena Marozava. Fota ź jaje staronki ŭ Adnakłaśnikach
Alenie Marozavaj 45 hadoŭ. Miarkujučy pa sacsietkach, jana zakončyła Biełaruski dziaržaŭny ekanamičny ŭniviersitet.
Marozava pracavała ŭ kampanii «Smarton». Heta biznes, jaki optam pradaje papieru i papiarovuju pradukcyju, kanctavary, ofisnyja tavary dy tavary dla dziciačaj tvorčaści.
Alenu razam z synam zatrymali ŭ sakaviku 2024 hoda pa padazreńni va ŭdziele ŭ pratestach. Spačatku jaje pasadzili na sutki, a paśla źmiaścili ŭ SIZA. Chutčej za ŭsio, sprava ŭ nieabaronienym telehram-akaŭncie, pryviazanym da jaje numara i, mahčyma, niejkich dopisach u Adnakłaśnikach.
Alenu sudzili z 10 śniežnia 2024 hoda ŭ Minskim haradskim sudzie. Jaje vinavacili pa troch artykułach — «zakliki da naniasieńnia škody Biełarusi» (č. 3 art. 361 KK), «raspalvańni varožaści» (č. 1 art. 130 KK) i «ŭdziele ŭ dziejańniach, jakija hruba parušajuć hramadski paradak» (č. 1 art. 342 KK). Žančynie pahražała da 12 hadoŭ kałonii.