Cichanoŭskaja sustrełasia z premjer-ministram Polščy
8.01.2025 / 16:12
Siońnia biełaruskaja lidarka pačała pracoŭny vizit u Varšavu z sustrečy z Donaldam Tuskam — premjer-ministram Polščy. Hetaja sustreča stanovicca asabliva značnaj u suviazi sa staršynstvam Polščy ŭ Jeŭrasajuzie z 1 studzienia i adkryvaje novyja pierśpiektyvy dla ŭzajemadziejańnia pamiž polskimi ŭładami i demakratyčnymi siłami Biełarusi, paviedamlaje jaje pres-słužba.
Fota: OSC
Ciaham hadziny palityki ŭzdymali važnyja dla biełarusaŭ pytańni:
- vyrašeńnie prablemaŭ, ź jakimi čaściej za ŭsio sutykajecca biełaruskaja dyjaspara ŭ Polščy;
- mabilnaść biełarusaŭ unutry krainy, u tym liku — mahčymaści pašyreńnia vydačy vizaŭ;
- šlachi vyzvaleńnia Andžeja Pačobuta i ŭsich palitviaźniaŭ u Biełarusi;
- situacyju na miažy Polščy i Biełarusi.
U tym liku abmiarkoŭvałasia i dalejšaje supracoŭnictva pamiž polskimi ŭładami i demakratyčnymi siłami Biełarusi. Tusk adznačyŭ, što padčas staršynstva Polščy ŭ ES Biełaruś budzie pryjarytetnym napramkam.