Нацбанк змянiў парадак фарміравання крэдытных гісторый
5.01.2025 / 11:55
Нацыянальны банк Беларусі з 5 студзеня 2025 года змяніў парадак фарміравання крэдытных гісторый беларусаў і атрымання грамадзянамі сваіх крэдытных справаздач. Новыя правілы прынятыя, акрамя іншага, для таго, каб засцерагчы людзей, у першую чаргу пажылых, ад страты грошай у выніку ашуканскіх схем.
Цяпер для беларусаў «рэгламентаваны парадак устанаўлення і зняцця забароны на выдачу карыстальнікам крэдытнай гісторыі іх крэдытных справаздач. Пры гэтым для карыстальнікаў крэдытнай гісторыі прадугледжана магчымасць праверкі наяўнасці такой забароны».
Акрамя таго, грамадзянін, які мае незакрыты крэдыт, зможа ў Нацбанку двойчы ў год атрымаць крэдытныя справаздачы. Давацца яны будуць на бясплатнай аснове.